20媽媽小天地

3/12 – 14/12, 貴爸到廈門出差….我要照顧兩隻小鬼!!  幸好, 黃媽同我妹都很幫手, 日間嫲嫲同平時一樣揍, 而晚上我媽就來陪伴我地, 有多個照應……

可惜這兩星期一點都不順….先是妹頭生病, 咳同痰都很利害, 我怕傳染給予晴, 拿拿聲帶去睇醫生, 結果是喉嚨發炎, 難怪有發燒了….吃了一星期抗生素, 病是好了, 但痰卻很難清!!!  幸好黃媽這三天燉了川貝, 一食見效!!!  不得不讚一下妹頭, 雖然藥是苦苦的, 她都很勇敢吃完, 她又很聽話的帶口罩, 以免野到妹妹, 是大個女了, 叻叻呀 !!!

予晴又很唔乖, 半夜常常起來, 仲要企起身玩, 又要大喊….不知是否因為咁而冷親, 開始流鼻水……兩個鼻孔都被鼻水結到乾巴巴我, 很醜呀!!!

星期六開心的參加了學校運動會, 原以為兩星期已順利過度了一半….點知, 星期日, 我因塞乳腺而發燒了!!!  身體發冷很辛苦很難受, 完全無能力照顧兩個小朋友….真的好彩黃媽在家幫手照顧, 如果唔係便慘了…….唉, 今次乳腺塞的很嚴重, 很痛很痛, 要轉介聯合專科…希望不要就此斷奶呀, 我還好想繼續餵人奶的 wooowoo~

這星期, 嫲嫲都冷病了…..我返工後只好交給黃媽了!!

天呀, 這兩星期是怎麼了?!? 不要再考驗我了!! 掃走衰氣, 我要一家人都開開心心的過聖誕佳節呀~~