20媽媽小天地

攪不攪 4 歲生日會.......在一個月前掙扎了好幾天!! 之前沒有為妹頭攪生日會 (兩歲都是幾個周年同月同日小B一起慶祝的), 因我覺得小朋友太細都不知道發生什麼事, 又忙又貴倒頭來只有大人在慶祝好像怪怪的!! 今年四歲, 小妮子長大了許多, 所以心思思的想一下是否為佢攪個小派對開心吓......猶疑的是時間同價錢呀, 因攪一攪都唔平的, 不過問了貴爸, 價錢在大家接受的範圍內, OK, 一於去馬, 媽媽落手去攪這個 project !!! 

搵地點, 朋友介紹去黃埔博藝會, 問了時間ok, 三十五人既價錢便可包場, 放心晒!! 說實在的, 場地, 同食物都很不錯, 朋友還借出 membership card 可免加一及送雜果賓治, 非常 good 啦!!    另外, 佢有個賣點就係有個大 playroom, 無論大B 或細B 都啱玩, 對我地呢d坐唔定既小鬼party 完左去放電就最啱啦~~



部份野食咋....會 refill 的, 淨很多食唔晒呀~~




邀請咭, 因為都是電話邀請, 所以用相片做了這個 send 出去, 濕水大頭照, 好攪笑!!!


佈置, 我上網訂了氣球及氦氣, 小朋友都可樂上一天了~
我又帶了兒歌 DVD, 充滿熱鬧的氣氛

原以為大會是 cheap cheap 的印字, 想不到出來效果又幾好....不過如果可以大少少會更佳 !!



人未齊, 小朋友攞住氣球走來走去......


Welcome 牌, 我又相片做了這個, 甜甜笑容好 sweet 呢!!!  不得不讚一下媽媽, 嘻嘻


回禮小禮物, 最緊要輕便, 去玩具街買了小朋友的級印仔, 又自制了 thank you card 貼面.
另外, 前一晚又做了小小曲奇餅, 燶了少許, 希望大家唔會介意啦~



一盒有三個款, 好 cute 呀~~


原先想同妹頭一齊做的....點知麵團雪太硬, 只好等妹頭瞓後自己慢慢整了~~


效果都唔錯呀~~


蛋糕, 網上有很多3d蛋糕店, 但不知味道好不好. 而家美心亦多左很多3d蛋糕, 味道可效心, 仲有 Barbie….這個蛋糕由妹頭自己揀的, 開心晒呀~~



大家見到都嘩嘩聲呀~~


遊戲, 小朋友主要是歲幾, 及四歲左右, 所以只是玩些小遊戲, 不用準備什麼道具.

另我 DIY 了 piñata, 一早買了糖果, 都幾期待的.......可惜大頭蝦媽媽, 見會場沒有位置掛, 放在一邊諗住切完蛋糕先玩.......點知太高興, 竟然完全忘記了!!!!!  醒起時小朋友都已四散.......可惜呀!!! wooowooo~~ 因為已離開左 party 房, 為免弄污地方, 最後沒有玩到, 只打開蓋叫小朋友大搶特搶一番!!!

打扮, 四歲的小妮子很貪靚, 愛發公主夢........我一於讓佢夢想成真!! 上網搵左好多公主裙, 但都不太合眼緣, 後來找到此店, 位於上海, 剛好缺貨要特別
做, 時間很緊迫, 好擔心趕不到呀!!! 幸好最後平安收貨........質料很好很漂亮, 妹頭見到非常非常喜歡呀, 一眼便看出佢係 party 既主角呢~~





攪個生日會, 媽媽最緊張呀, 希望小公主同賓客都開開心心!! 

Party 攪完, 媽媽可以休息吓囉~~