驚險的中秋節－20媽媽小天地

今天的中秋節, 妹頭流了好多眼淚啊~~

這隻妹不知怎的, 越大越容易哭鬧…….不知是否知道哭鬧可以得到注意或容易妥協, 小小不如意那兩行眼淚便大顆大顆咁流出來….要糾正呢!!!

中秋節因為貴爸要返工, 所以我一早便帶兩女到公公屋企,
方便照顧, 又可多時間給公公婆婆親下外孫女……

妹頭遇上心怡表姐, 玩完掙,
掙完玩, 吵吵鬧鬧是在所難免,
呢d哭我在不當一回事…..

咁點叫驚險 ?! 好戲在後頭….

下午四點多, 我帶兩表姐妹加予晴一起到樓下公園玩, 等佢地跑跑跳跳發洩吓d精力…及後公公同表弟加入, 仲有貴爸都已放工來滙合我地…….約到六點, 我叫大家一起回家去!! 一行人一起行回去大廈,
妹頭與心怡先行…我同貴爸同予晴最後入大廈,
當我入去時, 公公在嗌妹頭,
以為佢於一角呢埋了, 我大叫了幾聲沒人應,
心知不妙…相信已入了電梯,
那刻個人好驚!!

貴爸拿拿聲走去管理處睇蔽路電視,
睇吓妹頭係唔係里面…..無幾分鐘,
電梯開門, 妹頭嚎哭的走出來…..相信已嚇破膽!! 我即刻心定下來, 攬緊她給她安撫,
佢一路哭一路大喊”好驚呀”!!!

其實今次係個好好既教訓!! 妹頭好多時熟個地方就會無晒安全意識自己亂行, 叫都唔聽, 我曾經有諗過自己呢埋等佢搵唔到知驚, 不過我唔敢駁, 我怕一唔留神俾人捉左就慘!!
今次幸好有好心姐姐帶番佢原電梯下來….我最怕佢自己驚, 亂出左一層就大獲了!! 今次得到教訓,
希望日後醒定唔好再亂沖亂跑了!! 另外, 我之前一直教佢如果係出面唔見左媽媽, 要企番原位, 等媽媽黎搵佢, 唔知今次佢記唔記得….可能已經驚到咩都唔記得了~~

返到公公屋企, 妹頭仍然在哭,
要安撫好一陣子先靜下來…..

沖涼食晚飯…..一波未平一波又起…….

婆婆煮左好多餸, 妹頭一開餐就攞隻大蝦來食….點知…….被蝦殼梗到了, 我初頭還以為梗魚骨,
擔心死了!! 佢地呢d年紀唔係好識講, 只知痛, 唔舒服就喊…我諗應該好痛, 佢谷到臉都紅晒, 我仲驚過佢!!
叫妹頭開大口俾我睇吓, 可惜咩都睇唔到…..佢咳又咳唔到, 只好餵佢食幾啖白飯, 希望將蝦殼推落去肚度.

吞左幾啖飯應該ok…不過可能蝦殼剌破了皮,
妹頭食野吞口水都覺痛, 佢又唔識講,
好似仲有野梗住….不停哭,
我睇見都可憐!! 可能喊到攰,
又無瞓晏覺….佢累到要上床瞓!!
幸好我餵左幾啖飯同菜…未至於肚餓~

這個月光光的晚上, 原先買埋瑩光棒諗住落公園賞月的……最後變左妹頭倒頭大睡!!