細晴四個月了~－20媽媽小天地

真的話咁快, 一個月又過去了~~

細晴不算很大食, 每日大約 5-6餐, 全母乳, 樽餵就每次5安半左右, 埋身我估都差不多. 佢食奶很吸收, 好似吹脹了一樣, 肥嘟嘟, 很攪笑!! 好彩佢好高, 拉長了…..不過真的很重磅 >__<

攞條紗巾扮秋香 HaaaHaaa~~

公子, 我係大隻晴~~

這個月的細晴學習得很快, 不再粉團!! 佢很有意識的同人笑笑, 很貪玩的……幸好這個妹頭姐姐好鍚佢, 捉住佢攬攬鍚鍚細晴一點都唔抗拒, 仲好開心!! 反而我地放低佢自己一個, 佢見無人理一陣間就會抗議大叫!! 所以, 好肯定佢係貪玩妹一名…..

佢開始識認人喇, 見到媽媽, 家姐, 嫲嫲都會好開心….而家一見到爸爸就會眼定定咁望, 咁我就會話佢知, 呢個係爸爸…..HaaaHaaa~

P1350969

而家放d小玩具係佢手附近, 佢會識張開手仔去攞, 雖然未係扼得好好, 不過係訓練抓扼既好開始…

呢個玩具, 你要唔要呀 ?

而家每日在自轉, 頭轉去尾, 尾轉去頭, 又開始左轉轉右轉轉咁瞓側身…….我將佢爬低, 細晴好努力地抬高佢個頭, 佢個頭咁重, 應該要用好多力氣呢!! 暫時都係爬幾秒咋, 唔敢俾佢爬太耐…..未識反身, 但我相信好快會識…. 到時佢自己有排爬了!!

媽媽時不時同我練習........

加油加油~~

哎呀........

自己黎......

嘻嘻.....唔成功 tim !!!

出牙仔, 好驚呀!!!! 我早幾晚摸細晴牙肉, 竟然發現下排牙肉已長出了一隻小牙仔!!! 真的好早呀!!! 還未夠四個月呢!!! 家姐已經早出牙, 細晴比家姐仲早左成個月呀, 鈣源充足!! 其實我本身就唔想佢太快出牙, 四個月實在太早, 佢又牙痕會唔舒服….不過出左就係事實, 無所謂了, 最緊要健康!

有看到嗎 ??

搵野咬~~

食青提 ^___^

戒夜奶…..這個要細細聲講, 以免小氣 HeeHee~ 細晴而家九點, 十點左右會扭眼瞓….放床仔搖搖吓, 或佢自己喊完一輪都會好快瞓著!! 我於十二點左右會叫醒佢食奶, 食完可瞓到朝早七,八點, 非常好呢!! 終於不用半夜起身餵奶了…..不過我很醒瞓, 妹頭同細晴兩個半夜不停踢被, 我就會半夜起身幫佢兩個蓋被, 很難一覺到天光!!

照顧我的嫲嫲~