20媽媽小天地

2012年7 月1日, 香港特區政府轉換新班子....我這個小師奶無理政治, 去左我地1203 既大大大型bb百日宴 !! 大會仲改左個好犀利既名: 2012港龍春B團.龍騰盛世百日宴, 聽到都覺勁!!! 哈哈~~

同蛋糕影張靚相先~


今次個 party 規模好大, 有百幾個bb參加呀, 超熱鬧 !!!  有好多禮品, 亦有好多 sponsor, 真係要多謝一班義工媽媽忙左好多好多日先有個咁成功既 party, 辛苦呢~~

Party 要擺到咁多人, 地點係黃埔既德藝會, 大概4-6個家庭一圍枱, 以自己形式攡野食 !! 大會有抽獎, 又玩左幾個遊戲, 時間較趕, 不過很盡興!!

我地同將軍澳媽媽谷一起坐, 因為大家一直都有 whatsapp 溝通, 見面時都已很 friend 了~~

今次 TKO 小隊唔齊人, 下次 gathering 要影張大合照先得!!!




借左 Mo 媽既頭帶試帶, 即時女仔左~~


我地欣賞緊 BB 唔同既造型....


第一個遊戲: 爸爸媽媽比賽飲奶奶

五位爸爸媽媽自動參加比賽.....

爸爸們先帶上口水肩準備.....不過口水肩太迷你了


媽媽們都準備好喇....大家有得飲奶, 很興奮呢~~


"咇" 一聲比賽開始......大家舉起奶樽用力啜~~~




我同妹頭係台下打氣: 爸爸, 加油!! 爸爸, 加油!!


一輪努力, 最後爸爸得到個銅牌呀, 叻叻呀~~


第二個遊戲係世界之最.....一開始話最大....我地細晴肥嘟嘟, 梗係即時出去啦!!!



係比頭圍最大....原諗住我地都唔差......點知原來好多大頭仔!!!!  我地唔夠人掙囉~~




Party 好好玩, 短短兩個幾鐘好快就過喇~~
咁大型既 party, 唔知下次會係幾時呢??