夏日炎炎, 人都變懶左, 提唔起勁去寫 blog......
近日妹頭變左 10萬個為什麼....開始咩都要問 !! 仲咩野 ? 咩黎架 ? 咁呢個呢 ? o個個呢 ? 呢d 就係妹頭近日不停問我地既問題.....一路行就一路手指指....而我就一路行一路口噏噏...呢個係路燈, 呢個係樹, 呢個係草, 呢個係洗衣粉, 呢個係電芯, 呢個係朱古力餅......兩母女成程路不停咁對話, 真係口都乾 !!!
而家相對簡單d, 因妹頭只會問, 問完又會唔記得, 未會深究.....不過遲d大個d就真係好難講, 一個問題會不停咁問落去, 睇黎我地都係要開始睇吓10萬個為什麼先得 !!
全站熱搜
留言列表
飲飲食食 (2)