20媽媽小天地

6月19日, 我家小予晴滿三個月喇~





我地買左個小蛋糕慶祝三個月~~

兩個小朋友真的很難再分身寫 blog, 但我又唔想唔公平, 又想為小b盡量記下多一點….唯有再努力d掙取每分每秒!

三個月, 沒有到健康院度高磅重, 不過不用說, 這隻小妹肯定超班馬, 超出生長線!! 我地自己磅, 約有 16磅!!  而家在公司泵兩餐奶, 其餘早晚就埋身食, 四個鐘一餐, 很定時!! 暫時仍未戒到夜奶, 不過夜晚都可頂到6小時, 夜晚 9點/10點食完乖乖瞓到 4點幾先叫醒我….半夜眼瞓到死, 拿拿聲餵完一齊再瞓…..

小予晴而家很愛笑, 睇見熟悉既臉孔就會好開心, 同佢玩有時仲識 gagaga 的笑出聲, 很可愛!!! 妹頭姐姐好喜歡攬攬錫錫呢個妹妹, 妹妹一d都唔抗拒, 仲好like 好開心tim….反而係我有時驚姐姐太肉緊太用力!!  小予晴開始 yi yi ya ya 的要講說話, 我而家每晚餵完奶都同佢傾一陣計, 佢見到你嘴郁郁講野佢又嘴郁郁, 好攪笑!!!

另外, 小予晴已由凝望隻手進展到將佢放入口試味, 幾經練習, 而家已經快而準地將隻小母指放入口度啜啜啜, 不知幾好味!!

我又再為屎尿屁煩惱! 予晴食人奶本應成日都有大便先係…..但唔知係咪我的奶杰, 佢由原先日日都有便便變左而家三日先一次, 質地很杰身的!! 問過其他媽媽都話三日正常, 因為bb吸收….不過我仍然希望予晴每日都有, 起碼唔駛谷住谷住麻! 所以而家時不時都會俾少少水佢飲, 等佢無咁dry !!

小予晴, 媽媽祝你健康成長, 每一天都很快樂!!


攪咩一家人個頭都好似打完風一樣 =____='