妹頭做了小姐姐－20媽媽小天地

妹頭自當了小姐姐後, 我之前所擔心的問題, 暫時都可放下心來....妹頭沒因屋企多左個小BB而呷醋或唔開心, 佢反而有點大姐姐風采!! 當BB喊時佢會走去拍拍佢, 又會同我講: 媽咪, 細B喊呀, 佢可能想食奶呀~~~

妹頭: 細B, 唔好喊啦~~

另外, 值得一讚係原先妹頭很痴媽媽的, 瞓覺要我, 食飯要我, 返學要我, 抹 pat pat 都要我......但我入院後, 佢竟然好乖乖的肯跟爸爸, 即使我回家後佢都仲願意同爸爸瞓, 又願意由婆婆揍返學!! 即使佢想同媽媽瞓, 我只係簡單同佢講媽媽傷口未好番, 遲D先陪佢, 佢就唔會扭, 自己跟爸爸!!! 短短幾日無見好似大個左.......真的很感恩呀~~

我想....我地都配合得唔錯呢~
1, 係我由醫院回家那晚, 我先準備好禮物.....待妹頭回到家, 就代細B送給妹頭. 佢見到禮物, 超開心呀~~
2, 係爸爸放假期間, 盡量抽時間帶妹頭出去玩, 減少係屋企見到媽媽忙於照顧BB既時間...
3, 我除左埋身餵奶同休息, 其他時間都盡量陪伴妹頭, 等佢知道即使有小妹妹, 爸爸媽媽都仲好錫佢~~
4, 而家沒有大肚子, 我會時時攬攬同抱抱妹頭, 又製造多D同佢獨處既時間....
5, 多D搵妹頭幫手, 等佢有份參與 !! 妹頭好鍾意成為媽媽的小幫手~

妹頭超愛呢個禮物 - 公主滑板車 (媽媽真有眼光, 嘻嘻~)