三十七周四....淨番唔夠三星期就到預產期喇, 真的腹大便便!! 細b, 你會是個守時的人嗎 ??
自三十三周後, 我就再沒有到私家覆診, 細B, 顯然媽媽對你很有信心吧!! 哈哈~ 其實主要原因我覺得無太大必要, 當然睇私家照吓超聲知道胎兒正常生長係好...不過我對細B又真的很放心, 佢每日都在練功夫, 雙手雙腳都在不停的踢踢撐撐, 所以一點擔心都沒有 !! 而且出去睇私家很費時...搭晒車出去只睇個十多分鐘, 照吓有無異樣, 跟住就收費 $700.....我覺得不太化算 !! (真係第二胎先會咁諗, 駝第一胎時無論何時都想去照吓, 睇吓BB點既樣 !! 媽媽, 你偏心呀~~ >__< )
駝了超過九個月了.....現時每日既胎動都好劇烈, 細B, 你係肚內係咪覺得好迫呢? 如果唔係, 點會郁得咁勁? 媽媽好鍾意眼定定的望住你郁, 係肚皮上凸出一塊再郁黎郁去, 真的真的很有趣!! 我成日都同你貴爸爸講.....如果佢能夠一同感覺大肚到就好喇, 好想佢都可以分享呢個奇妙既感覺!!! 胎動, 難以用文字去形容, 真的只有做媽媽的會感覺得到......細B 你出世後, 媽媽還會記得這感覺嗎?
這兩天.....肚子時不時在陰陰痛, 很明顯唔係規律既陣痛, 唔係作產跡象 !! 原先剛個星期日仲想一家出外走走, 趁仲行得走得出去郊遊吓....可惜細B你在作怪, 給我整天又痕又痛既肚臍, 辛苦死了.....唔敢去得遠, 最尾只好帶你個妹頭姐姐到附近公園跑跑跳跳~
媽媽現時是什麼心情呢?
BB衫洗好左, 走佬袋執好左, BB用品亦已齊備.......但不知怎的總有點心掛掛.....是我的心情未準備好嗎?!
現時一家三口生活很穩定, 妹頭這年紀很好玩, 我地又可以好放心的周圍去玩, 沒有時間地點既限制!! 不過人一旦安穩就好怕去改變.......將來BB出世後, 生活又會產生大混亂, 又疲累又要面對日夜顛倒既日子, 又要顧及小妹頭的感受....我真的很怕妹頭會覺得缺少了愛而不開心, 希望我是自己心多了......
這點心掛掛既心情, 我估要直至生先可以息懷了, 幸好我地都係樂觀既人.....貴爸, 給我力量一起去面對吧!!
全站熱搜
留言列表
飲飲食食 (2)