20媽媽小天地

踏入九個月喇, 開始倒數 loo….返多三個禮拜, 期待呀~

呢個月, 開始清胎毒大行動, 上胎駝妹頭都無特別做到......唔知係咪咁令妹頭皮膚不太好, 易有濕趁又易生粒粒 !!   另外今胎太大安旨意, 無戒口, 只係少食蝦, 唔食蟹 (其實都唔係戒, 只係我自己食完都會敏感先無食 !!), 又雪糕, 又魚生, 又大把熱氣野 (新年食左好多......),  唔清吓胎毒第時細B皮膚差就真係大件事......

我不嬲覺得自己好燥底.....食涼野最啱我~

木瓜雪耳糖水, 呢個我好 like, 好清潤......

腐竹蛋糖水, 簡單又易煲......好多人會成隻蛋落, 我就鍾意落蛋花, 好味!!

白蓮鬚蛋茶.....呢個我麻麻, 雖然落左冰糖, 但唔係咁鍾意佢個陣劫味.....不過呢個係大路野, 去胎毒個個都煲呢個.....暫時只係買左5蚊白蓮鬚, 諗住分兩次煲~

其他又食左龜苓膏, 馬蹄.......

黎緊要食涼粉, 西瓜.....諗起都覺好味 HaaaHaaa…

貴爸唔好....好彩有妹頭同我分享......如果唔係我一個肚都唔知點食咁多野 !!!

P.S.: 今晚返到屋企...雙腳水腫了....唔知係咪同著平底鞋有關呢?!