close
12月24日平安夜, 朝早要上 TomLee 音樂班........心郁郁好想送些聖誕小禮拜俾同學仔! 大家都咁細個, 做小食就最啱 !!
我自己好喜歡唧花曲奇, 因為很鬆脆又香口, 而且成功率很高 !! 哈哈~
上餵食猫網搵到呢個花生醬唧花曲奇既食譜, 材料簡單又易做, 一於試吓 !! 23 號晚趁妹頭瞓覺自己就興致勃勃咁量材料做餅......善用屋企資源, 無幼粒花生醬我改用粗粒, 諗住有咬感又香口!! 點知俾左個難題我.......就係d粗粒花生士塞住個唧嘴, 唧黎唧去都唔掂!! 無辦法, 只好勉強整大個唧嘴, 唧完個形狀怪怪的, 所有我覺得唔靚呀 !!
第一底份量太少......做多一底, 今次聰明喇, 我唔落花生醬, 修理好個唧嘴, 改為唧完後落杏仁片碎, 無花生醬味, 不過牛油味充足. 效果同味道都好 OK 呀 !!
24號朝早包裝靚靚去送俾同班朋友仔, 大家收到都好開心啊~~
材料:
麵粉 120克
栗粉 30克
有鹽牛油 75克 < 我用了無鹽牛油, 所以自行加了少許食鹽>
蛋液 50克 < 約一隻份量 >
糖粉 70克
幼滑花生醬 40克 < 我用了粗粒, 要注意唧嘴大小 >
製作:
1. 牛油室溫放軟 < 不用打發>
2. 加入糖粉攪拌均勻
3. 加入蛋液拌勻(分三次下)
4. 加入花生醬拌勻
5. 加入麵粉和栗粉拌勻(先過篩)
6. 麵漿放入唧袋做形
7. 放入已預熱180度的焗爐焗10分鐘,再轉100度焗5分鐘即成 。 < 我唧得細粒, 所以只焗約10分鐘. >
最後送上妹頭版的 Jingle Bell~
全站熱搜
留言列表