20媽媽小天地

妹頭出世以來, 今次係我第二次與佢分開呀 !! 上次我上大陸做野離開左 1天.....今次妹頭跟爸爸回鄉下要分隔5天呀 !! 我掛住妹頭同爸爸嗎  ? 當然掛啦, 但我亦樂得清閒…..HeeeHeee~

妹頭不在家.......

我可以準時出門口, 準時返到公司 !! 為左可以自己湊妹頭返學, 我每朝都趕到死, 都仲要朝朝遲到呀 !! 公司唔投訴真係偷笑了............
我可以約朋友飲聚又唔駛睇時間趕住返屋企, 雖則話好朋友唔須要成日見, 不過因為大家都忙真係好耐好耐都無見喇 !! 能夠無拘束咁天南地北, 一樂呀 !!

我可以返屋企上網上到半途三更 !! 唔駛講故仔陪瞓覺........哈哈哈哈!!  陪瞓真係好磨人的.......陪個個仲眼瞓過妹頭~

我可以一覺瞓天光, 超爽...........平時一晚起碼醒幾次呀, 妹頭咳咳啦, 踢被啦, 痾vv啦, 我必醒 !!

我可以隨時睇我錄影既電視節目……妹頭係度我地都盡量少睇電視, 好多時都係陪佢睇佢d 米奇妙妙屋, Barney, Baby TV, 兒歌...........等等等等 !

禮拜六, 日, 我可以無顧忌地出街 shopping, 唔駛顧妹頭既午餐同午睡既時間......
 

雖然時間好自由, 不過輕鬆幾日好喇 …唔係實掛死我囉!!
貴爸爸同妹頭快D返, 我都係鐘意每天見到你地的開心笑臉..........一家人常常在一起 !!