20媽媽小天地

時光飛逝呀....已經過左第十八週了 !! 沒有了之前的不適, 整個人都很精神爽利~~

呢兩個星期, 開始 feel 到細B 在肚內小小既郁動, 可能佢在伸伸小手或小腳, 所以只係輕輕既一,兩下.....不過呢小小既胎動已令媽媽很開心, 常常都將對手放係肚皮上去感受吓, 令我知道細B在肚內很健康, 令我很放心.......

另外, 開始有宮縮既情況, 特別係半夜, 突然既子宮收縮令下腹部變得實 pump pump, 維持數秒就放鬆番......應該係子宮在練習, 為幾個月後細B出世作準備吧~~

十八週, 肚皮已脹了很多, 著鬆身衫都仲可以, 貼身少少都好明顯見到肚突突喇.....而且....開始很論盡 =.='

朋友提醒我, 黎緊呢幾個月係我地同妹頭既黃金時間....係呀, 我要好好珍惜同妹頭相處既每一天 !!  我時時都很擔心...細B出世後會將媽媽對妹頭既愛分薄了, 我唔想呀, 因為真的很愛很愛呢個女......唔知呢D係咪媽媽多餘既擔心呢?! 希望係我諗多左啦.....