呢牌掛住追劇同攪去長隆d野, 都唔得閒寫 blog........到第時有兩個小朋友, 唔知個 blog 會唔會發霉呢 ?!? 
上星期六, 20 week, 我地去左照結構 – 王紹宏醫生, 佢好細心, 又講得清楚, OK 呀 !! 佢普通產檢 $800, 照結構 $1500. 因為太多內地孕婦來港產子, 香港都唔夠資源 support 我地呢d本地孕婦….原先聯合醫院會幫我地做結構超聲波, 今年5月開始都取消了, 要孕婦自己搵私家做, 再交返個 report 做記錄.
今次照結構, 我地帶埋妹頭一齊去, 好想佢去感受吓細b係媽媽肚內既情況, 俾佢多d做小姐姐既準備 !! 除左爸爸, 我覺得俾妹頭一齊睇到細b 個感覺好窩心 !! 
而最重要係, 細B好健康, Good 呀 !! 我地仲證實左佢係我地第二位公主, 唔駛再估估吓喇~
其實, 我想除左我之外, 我身邊的所有人都希望我呢胎生仔, 因為可以一仔一女砌個好字…而且可以為男家添個男孫 !! 而我呢 ? 未有小朋友前, 我都覺得有有一仔一女最好, 但有妹頭後, 我反而覺得有女萬事足.........女孩子真的很冧很令人疼愛 !! 所以, 當知道細b係女孩子時我反而覺得唔錯, 兩姐妹可以一起成長, 有個伴感情一定很好….我好期待見到兩位小公主一齊玩一齊亙動呀 !! HeeHee~
Hello 各位, 我係細B呀~~
P.S.: 而家20 week, 好feel 到細b好活躍呀, 不停地郁黎郁去 !! 細b, 你係肚度跳舞嗎 ? 尋晚放工搭車時, 我同同事傾緊計, 細b 竟然好大力的踢左一腳, 係大力到我嘩左出黎個隻呀…..好似電視廣告個bb係肚度踢媽咪咁, 好攪笑, 不過呢一腳好深刻 !!
再 P.S.: 而家我成日都用細b既名義去同妹頭傾計, 例如: “姐姐, 姐姐, 你識唔識擦牙仔架 ? “ “嘩, 你有好多牙仔呀 ! “ “姐姐, 你好叻呀~”, 呢個溝通方法, 妹頭都好受落….佢會同細b傾計, 等我扮細b同佢對答…….有時佢仲主動叫我嗌細b 問佢野, 好攪笑 !!
全站熱搜
留言列表
飲飲食食 (2)