20媽媽小天地

11月, 很忙碌既一個月, 妹頭要跟爺爺返鄉下啦, 我地又去長隆慶祝啦…..我又想係三歲前同佢去多次迪士尼 (三歲前唔駛錢麻), 度吓期, 一於上星期六上完 TomLee 音樂班就去玩個痛快 !! 

今次 Tomlee Miss Beckie 又咁啱叫大家 dress up 慶祝 Halloween…咁我地就著埋套衫去迪士尼啦 !!

Ms Beckie 都一齊扮魔鬼啊~~


我地先係青衣食飽飽再出發, 妹頭一上到 Mickey 地公鐵已經勁興奮喇 !!  今年妹頭打扮成一個小巫女, 大家見到都覺得好可愛呀........去到迪士尼仲有人同佢影相 tim…..!

呢個小巫女仲成日同人揮手 say Hello, 好似呢度既工作人員, 好攪笑~


媽媽最愛的歡笑臉~  

原來有打扮入場既小朋友會有禮遇架…會場既哥哥姐姐工作人員見到都會主動送貼紙 !! 妹頭收左好多張貼紙, 好開心呀 HaaaHaaa~

落入凡間的女巫.......都係鐘意玩吹泡泡的!!   呢個泡泡機勁得意, 係史狄仔自己吹架~~

細膽既妹頭, 玩旋轉木馬都係要媽媽傍住先得呀~


不過見到迪迪尼人物就一Ｄ都唔驚, 好開心咁同佢地影相 !!  迪迪尼人物真係大小朋友既老友記呀!!




佢可以同 Mickey 攬到實一實~




穿唐裝既唐老鴨總係覺得好奇怪.......

   



今次係妹頭第一次睇巡遊, 載歌載舞, 好熱鬧, 好開心呀!!

  


 

呢日妹頭好犀利呀, 由頭玩到落尾!! 我地中段去左睇米奇頒裝典禮同獅子王, 妹頭好眼瞓終於瞓左.........不過佢都只係小睡左半個鐘度, 又再同我地繼續到夜晚, 勁呀 !!



Halloween 既佈置影落都幾靚架~~

我地夜晚睇埋 Halloween 既巡遊......我同貴爸都係第一次咋, 唔同 mood, 超酷 !!


  



很可愛既一班小鬼~

上次去迪士尼而經係一年前既兩歲生日, 妹頭應該都無咩印象 !! 今次三歲, 識既野多左好多, 希望佢第時都會記得有咁開心既一日啦~~