20媽媽小天地

Playright, 之前已聽過佢地個名, 提供唔同既遊戲俾小朋友….之前舉辦既活動都心郁郁好想帶妹頭去玩, 可惜地方太遠, 不太適合 !! 今次佢地將陣地移到黎將軍澳寶康公園…嘩, 超近我地, 可以帶妹頭去玩loo……一早係 schedule book mark 定呢日, 好開心呀~~

我地晏晝約埋公公婆婆姨姨同心怡表姐係新都城飲茶, 食飽飽後就一齊行去寶康公園.

秋天既天氣好適合戶外遊戲….即使晏晝有大太陽都唔會話好曬好熱 !! Good Good !! 智樂….呢日為寶康公園帶黎左好多好多小朋友, 勁熱鬧呀!! 妹頭同心怡一見到公園已經兩眼發光….佢地係公園玩左陣, 我地先同佢行去智樂既大草地陣營 !!


 
唔同既物件敲出唔同既聲音~

 

 
大會擺放左十幾個遊戲係度….佢地利用天然既材料做左唔同形式既玩意, 叫大家暫時放低繁忙既生活節奏, 大人同小朋友一齊去享受開心既親子時間 !!

佢地既遊戲其實好簡單但好有心思, 用繩扎起既蜘蛛網, 用唔同既竹筒, 奶罐做個小小既敲擊區, 踩高橋, 抬橋, 刷木, 跳麻包袋等等~~

 <--自製小小陀螺, 超簡單易做~




 

表姐跳豆袋跳得好叻呀 !! 
 

妹頭: 嗚嗚~~ 我唔識跳呀~~

而最得妹頭心既, 就係一個小小既禾稈草區, 佢作用似波波池, 不過就換左係禾稈草 !! 小朋友係禾稈草區里面勁開心, 因為…..有得搗蛋 !! 哈哈哈哈 !! 小朋友攞起一大堆禾稈草亙拋, 玩得不奕樂乎!! 唔好睇少妹頭, 人仔細細佢係會主動拋人個個 !! 睇見佢地玩得咁開心, 我地大人都好開心~~

 <--個個小朋友都係一身禾稈草 !!
 

 
 <-- 佢要出擊喇~~

原來智樂時不時都會攪活動架, 真係要多多留意先得 !!

Playright 智樂兒童遊樂協會