20媽媽小天地

呢篇 blog 放左咁耐, 終於可以發表了 !! 唔駛再忍口喇~~

我地計劃今年為許家增添一位新成員......終於........

7月13日, auntie M 遲遲唔黎, 我都覺得有d 野....一 check 真係 Bingo na.....Good !

我問妹頭: 媽媽生個弟弟或妹妹陪你玩好無呀 ?! 

妹頭: "唔好 !!"  (梗係唔好, 爸爸媽媽係佢自己架麻, 點可同人分享 !!) 媽媽: "嘩, 弟弟或妹妹可以同你一齊去游水喎~~" 妹頭: "好啦~~ " (我抱其他bb妹頭都很醋意的, 我估呢次有排教育 loo....) 

7月15日, 這兩天開始.....肚子有點不舒服, 總是怪怪的 !! 我唔鍾意呢種感覺呀~~

比較攪笑既係....因為天氣熱, 近牌常常吃西瓜.....人地第九個月先食西瓜去毒....我就.......都係要食少D先得 !!

7月20日, 這幾天開始想作嘔....唔係麻咁快 ?! 上次駝妹頭好似只係早晚有少少吐, 無今次咁惡頂呀 !! 仲有, 成日聞到d味好臭 !! 早兩日仍係屋企作嘔....妹頭見到即刻好擔心....佢話: "媽咪, 我唔想你嘔呀, 我想你快d好番"  真係真係好窩心 !!

尋日攞埋醫生轉介信去牛頭角母嬰健康院登記, 點知第一次產檢起碼10周 到8月23日先有得睇!!  個阿姐串到死, 仲要原來打電話去 book 就得.....白行一趟 !!

7月25日, 個人勁累, 成日都想瞓覺....加埋作嘔, 好辛苦. 我覺得最惡頂係返工同放工既時候, 因為架車好焗 / 好熱 (因為妹頭放暑假我早左出門口, 竟然個個鐘數係搭正架熱九 !!) 個人返到公司都已經虛虛地......必嘔 !!

8月5日, 一朝早起身發現流啡......勁驚, 點算!! BB你唔好有事啊~~ 打俾D婦科都話 full booking 無得 walk-in.....個人急到死 !! 問朋友攞左另一個醫生電話, 雖然 full 幸好都入俾我 walk-in 去等.....拿拿聲去, 醫生照完超聲幸好個B無野, 有心跳, 當堂個人都定D !! 立定心場, 呢段時間都係乖乖咪亂食野, 咪周圍走 !!

8月23日, 兩個禮拜無 update...因為時時都好攰, 可以成日都瞓瞓瞓 !! 呢兩個星期無咩嘔喇, 個人好好多, 只係成日覺得攰, 又時不時耳塞塞!! 今日到健康院做第一次檢查, 今天已經踏入11W3D 喇, 醫生檢查時仲聽到BB既心跳聲, BB 你好叻叻呢~~

另外係妹頭姐姐慢慢接受左媽媽肚里面有個 baby....仲肯話幫手照顧, 令人好開心呀!! 希望將來真的相親相愛啦~~

8月24日, 今晚瞓到點幾醒左去洗手間, 跟住就瞓唔著喇.....而家已經4點幾, 點攪 ?! 細B, 係咪你令我眼光光呢 ?!

8月29日, 之前就攰到一合理眼幾秒就瞓著, 呢幾日真係唔知咩原因完全瞓唔到.......瞓一陣間好快就醒, 跟住就眼光光左碌右碌都瞓唔番.....一係就瞓好耐都瞓唔著.....攪到個人都無精神, 仲有d頭痛 !! 唉, 點算好呀!!

9月2日, 約了時間到聯合做 Oscar test....聽有D媽媽講阿B唔乖郁黎斤宦郁去超唔到, 所以我個朝就同細B講叫佢要乖乖 !!  醫生照超聲時...細B真的好乖定定俾人照, 所以我可以好清楚睇到佢個頭, 身, 同腳仔.....佢同家姐一樣都係大頭B呢 !!  照左超聲, 知道細B係肚度健康, 真的令人好開心 !! 跟住抽埋血就走得喇~~

9月16日, 醫院沒有消息就是好消息....可以放心公開了 !! 踏入第十五周, 之前既不適都走晒喇, 個人開始有番精神同活力, 秋天又到, 可以同趁呢段時間同妹頭去郊遊, 好期待呀 !! 而家妹頭都很接受細B....有時佢扭抱, 我話媽媽好攰呀, 個肚又有細B, 抱唔到, 佢就即刻唔會再扭, 肯拖住一齊慢慢行, 很恩惠呢!! 希望第時BB出世後妹頭都可以做個好家姐去愛錫佢啦~~