20媽媽小天地

尋日乖乖留左係屋企....咁難得無周圍去.....原因係要做我今學年既第一份功課: 中秋節花燈設計.....

哎, 我好喜歡做小手功.....不過花燈真的不是我杯茶 !! 唔知係咪以前返學年年都要扎花燈, 我都扎到有點怕怕.......畢業後以為從此絕緣....點知而家再黎過.....OH MY GOD !!!!

講番轉頭, 今次花燈沒限材料, 真的很傷腦筋 !! 話晒係親子功課, 我又唔想好求其咁交差....真係媽媽唔易做呢 !!!  諗諗吓, 不如今次扎隻水母花燈......應該幾簡單既 ! 趁上星期五放工去買左小小材料.....因為今星期要交, 尋日就動手開工喇~~

簡單既材料~

妹頭幫手剪紙準備.....

不過諗同做真係兩碼子既事 !! 扎個圓型既水母頭都唔簡單....用左我一個上年.....哎, 真後悔點解唔是旦扎個方型就算 !!!

基本頭型完成~

完成左個頭貼埋玻璃紙.....加埋d鬚.....總算完成喇 !! 其實覺得唔係好靚....不過, 算啦......唔想再番轉頭呀~~

妹頭, 下年你可唔可以自己做呢?! 媽媽真的怕怕再扎燈籠呀~~