20媽媽小天地

其實都唔係特登趁父親節去....好早之前已同兩個媽媽約定一齊去玩, book 完先醒起 6月19日係父親節, Good, 一於慶祝埋~~

朝早 9:30 係黃崗上車, 一個多鐘頭既車程就去到喇, 真的好方便 !! 原先一直落大雨, 去到就放晴喇~~

今次 Book 左單棟式別墅, 有個大客廳加五個套房, 我地 10個大人4個小妹妹包晒, 好正架 !!  四個小女孩去到房已經超興奮, 不受控咁周圍走同上落樓梯.....仲要四個一齊跳彈床, 超開心....而我地大人呢, 就圍係為床邊驚佢地跳歪跌落床, 超攪笑 !!!

小朋友周圍走, 我地兩公婆合照先......

妹頭又話要幫我地影......呢幅係佢既大師級作品!! OK 架 wakakaka~

呢四個妹妹真的超可愛~~

我地放低行李就去食午餐, 醫飽個肚先......d小朋友因為早起身, 其實食完晏都開始眼瞓....不過我地無去午睡, 趁早同佢地去兒童天地玩吓.......一見到遊戲室小朋友即刻上晒電, 有無限精力咁走黎走去~~

一去到佢兩個第一時間除鞋除襪.....好有效率 !!

小朋友就周圍玩.....媽媽們可以傾吓計, 一樂呀~~

我地另外 Book 左畫畫同做陶瓷.......油鞋仔中途妹頭敵唔過睡魔一挨低三秒即刻瞓左......太累喇, 我地同佢返房瞓....

有迷你高卡車, 好安全又好好玩架~~

不過瞓醒六點左右我就覺得有d唔對路, 妹頭身體好熱好似發燒 !! 唔係麻, 出門最驚就係遇著小朋友唔舒服....我朝早醒起要帶探熱針同退燒藥物, 但最尾都係無記性唔記得帶 !!  幸好酒店 lobby 有探熱針....一探, 死喇, 38度幾.......我地決定成班人出市中心食晚飯, 順便去 Walmart 到買藥物.....

小朋友病, 大人都無心情個行程喇....心思都係妹頭身上 !! 幸好買到退熱貼同小孩退燒藥....Johnson & Johnson 藥廠, 應該 OK 吧.......

食完晚飯返到去拿拿林同妹頭食藥, 希望盡快降溫 !!  夜晚大家聚首一堂切個父親節蛋糕, 幾個爸爸都好開心呢~~

係佢地個餅鋪, 朝早訂, 夜晚攞, 新鮮 !! Good ar~

我好鐘意呢幅相, 大家都笑得好靚~~ Sweet Sweet !!

切蛋糕前爸爸們同女女們合照先~~

食完蛋糕就各自返房休息喇.....一心希望妹頭聽朝無野可以繼續行程, 仲有好多野未玩呀~~  >______<"

第二朝.........唉, 世事邊會咁好 !! 妹頭持續發燒, 食退燒後退完又燒番......決定一早去轉車飛時間食完早餐後就坐車返香港 !!

呢個父親節旅程就係咁沖沖完左......

大合照....不過雪雪敵唔過睡麼瞓左覺覺喇~~

孖寶加靚媽咪~~

*後記:

呢個旅程好好玩, 最緊要係覺得好安全 !! 好鐘意咁多人一齊去, 又熱鬧, 又多照應......食野都可以嗌多幾碟呀 !! 我好期待下次既旅程啊~~ HeeeHeee~

妹頭睇完醫生診斷係喉嚨發炎....跟住就無其他病徵地持續燒左幾日喇~~ (流汗.....)