20媽媽小天地

6月6日端午節假期, 天氣超好, 我地同妹頭去 Megabox 飲茶, 之後同佢去 Play House, 有冷氣又可以俾佢跑跑跳跳發洩吓D精力......

由貴爸陪妹頭入去玩, 而我就係隔離大眾書局一路睇書等佢地......

見到呢本書 - 單飛媽咪

做左媽媽之後, 母愛泛濫....對呢類親子既書會特別留意 !! 睇左介紹覺得好有趣, 我索性攞起本書坐埋一邊慢慢睇......講一個二十多歲既媽媽同佢讀幼稚園既公子點樣開始佢地既單親生活.....生活雖然艱難, 不過有愛, 一路睇一路感動.......

放左我兩個鐘頭假, 我只睇左一半......因為妹頭玩玩吓又走出黎搵我......唔知幾時有機會可以再打書釘睇埋去呢?!

單飛媽咪既介紹~

少少窮，多多愛，80 後單親媽咪與兒子向著夢想小學出發！

作者陳敏甄曾經是80 後典型港女，失婚後變「單飛媽咪」。

告別沒有目標的人生、告別毋須用腦的C9 生活，一切由大屋搬細屋開始－－搬到一個偏僻到手機訊號都無的「山卡啦」舊村屋，與3 歲的公子一起，在不爭氣的馬桶、喜歡集體死亡的小強要脅下掙扎求存，慘到笑的事件多到可以成書！

口花花公子與半熟港媽的二人世界，窮得只有愛。他們化所有負能量為祝福，憑努力和信心，向著夢想小學出發！

這個來自基層家庭的單親小孩，最終夢想成真，獲得名牌直資男校取錄。單飛媽媽將這幾年的「單飛」經歷寫出來、還有親手畫出可愛爆燈的卡通公仔，將兩人生活活現紙上，最終投稿到出版社也獲得取錄了。