close
上個星期二, 放完假後第一日返工要出差去韶關, 因為車程太耐, 無可能一日來回, 所以只好係酒店過一晚第二日開完會先再貢幾個鐘頭車返香港.......
今次係我第一次同妹頭分開呢~~
因為貴爸爸都要返工, 我地要事先安排定爺爺第二朝一早黎揍妹頭, 安頓妹頭返學....
第一晚沒有媽媽陪瞓.....貴爸話妹頭佢好乖呀, 都無扭計, 貴爸九點左右的左妹頭上床, 同佢講故事, 傾計....約十點左右就瞓喇!! 貴爸話妹頭根本係蝦我.....係啦, 有我係度就一定要我同佢瞓呀~~
不過第二朝一起身因為見唔到媽媽就喊喇, 真係麻煩爺爺呢~~
而我呢? 呢個沒有妹頭攪攪震的晚上......我難得有時間做左個全身磨沙同敷左塊面膜 !! 嘩, 真係唔知幾耐無做過呀 !!
第二晚返到屋企都九點多喇, 幸好妹頭同爸爸講緊故仔仲未瞓著, 我當然要抱抱先......跟住佢同我講: "媽咪, you are beautiful !" 
係咪真架 ?!?!?!
全站熱搜
留言列表
飲飲食食 (2)