20媽媽小天地

五月去北京, 呢個季節真的幾唔錯, 大家好果有計劃去的話可以考慮吓呀~

天氣: 呢五日係其中一日既下畫落雨, 其餘都好好天, 仲係猛太陽 tim !! 影相啱晒~ 不過要小心就係北京比較乾燥, 要搽多D cream 保濕, 飲D野潤吓......我同妹頭都有流鼻血啊!

溫度: 太概十幾至廿幾, 溫差都幾大架 ! 一早一晚會有D涼, 不過晏晝有太陽就會好熱好曬 !!

衣著: 里面短袖, 外加件外套. 另因為一朝早上長城, 我帶左件厚D既褸, 長城市處高好大風....超啱用!! 最緊要係唔好凍親妹頭 !

交通: 而家好發達, 地鐵好多地方 / 景點都已經可以去到, 好方便 !! 不過要注意, 因為 08 奧運之後, 所有隨身行李入地鐵站時都要過安檢 !!  另外, 唔係個個地鐵上站都有電梯, 有D只有上沒有落, 好似我地呢D攞住大件行李或BB車既就會麻煩D ! 

飲食: 景點內通常只有快餐, 沒有比較好既餐廳....對大人就OK, 但小朋友就唔係好啱 !! 隨身帶D小食等佢地口痕可以食吓....

價錢: 如果係店舖食野或買野, 佢地價格其實同香港差不多....不過係用人民幣, 所以仲貴D....幸好, 無特別野啱買 !! = ='

北京人: 感覺很深就係佢地好禮讓 - 係讓坐!! 可能08奧運時教育得好好....D人一見我地抱住小朋友或有老人家都會即刻讓坐, 係好好既身教, Good 呀 !

後感: 我地今次去既都係D大景點, 遊人比較多, 下次如果有機會再去, 可以去D本土D既地方, 感受吓當地既人情 !! 不過, 去機場一定要預足時間 !! 哈哈~