20媽媽小天地

9 May 2011 Mon Day 4  -  奧運場館, 王府井大街

離開頤和園, 想搵車去北大參觀吓....點知D司機話呢個鐘數北大同清華都入唔到去, 要5:30 後先有喎 ! 算啦, 放棄北大, 我地改去奧運場館烏巢同水立方....話咁快北京奧運離而家已經接近兩年, 不過都仲有好多遊客特登黎睇場館 !! 兩個館, 我自己就覺得鳥巢靚D, 型D !!

游乾水的貴爸.....

瞓醒左既妹頭....

係出面影完相, 我地買門票入水立方, 失色既係佢已經變左公開既泳池同嬉水池.....不過入到主要比賽場地就感覺到好有氣勢 !

高台跳水....

主泳池....

約六點, 我地搵地鐵返王府井大街食野.....一開始去左東華門夜市掃街, 點知個天落起毛毛雨....心諗, 唔係麻又落雨咁掃興?!  (以下係細機仔既相.......檬晒....我懷疑妹頭摸過個鏡頭 !! )

羊肉串...RMB5.00

你敢唔敢試 ?!

仲係活生生既蠍子.....令人起雞皮 !!

我地兩個分頭行事, 一個買野食, 一個就同妹頭去避雨, 買完再坐埋一齊食 !! 夜市特別有風味, 不過D野唔啱妹頭食!! 我地同佢去附近食碗拉麵, 好彩毛毛雨只係落左一陣間就停左, 我地可以係王府井大街 hea 完先慢慢行返酒店....

上次飲酸奶妹頭瞓左....今次特登叫俾佢試吓 !! 因為雪凍左, 好好味~

妹頭話: 酸奶好好味~