20媽媽小天地

點解3X歲? 唔係因為秘密, 而係年紀大, 過左28歲後每年生日都唔係好記得自己幾多歲......定係根本唔想再記住?! 哈哈哈哈~~

4月7日正日, 貴爸爸攞左日假同我一齊共渡呢個咁開心既日子.....我地去左海洋公園, 因為生日正日免費呀~ 如果大家仲係大細路, 海洋公園真的係幾好玩架 !

妹頭因為要返學, 下晝又要瞓晏覺, 我地決定放低佢, 自己兩個去拍拖~  雖然我好鍾意去邊度都帶埋妹頭, 不過無佢係身邊, 我地可以好放心大玩機動遊戲, 真係行步路都快D...

4月7 日係閒日, 超爽! 玩機動遊戲完全唔駛排隊, Free 呀~

一入門口就係新既海洋館, 都幾舒服架.....

呢個我地第一次玩, 速度唔快, 但完全倒轉個人.........好玩呀 !

我第一次睇中華鱘........

我都登威威司令熱呀~~

夜晚貴爸爸揍埋妹頭, 我地一家人去大榮華食飯~

妹頭最鍾意的環節 - 吹蠟燭 !! 你有見到我隻手捉住妹頭嗎? 佢太心急, 如果唔係捉住佢, 又會俾佢一早吹左...... = ='

同妹頭影相, 又黎無理正經 !!

貴爸爸, 真的多謝你的安排, 過了很瘋癲但很開心的一天 !!