close
近牌妹頭唔知跟個學返黎.....例如佢想要既野唔俾佢, 有野食唔俾佢食, 俾人搶佢既野....等等, 總知一遇到唔如意或唔順佢意既野, 佢就尖叫 !! 若果話佢, 佢就叫多聲俾你睇 !! 真係激屎 !!

 

點處理 ? 我地唔可以呼喝佢, 因為喝都無用, 而且會做成壞榜樣俾佢跟....而家如果佢尖叫例如想要野食, 我會同佢講:" 妹頭, 你想食咪同爸爸講我想食咪得囉.....唔好尖叫呀, 你尖叫咁大聲爸爸媽咪都唔會俾你架 !!" 咁佢醒水就會即刻跟我講"爸爸, 我又想食呀~~"

 

呢個方法暫時 ok, 不過妹頭仲係時不時尖叫 !!!   要繼續努力, 重複又重複咁同佢講道理......尋晚佢食食吓飯就自己講"唔可以尖叫架, 細細聲就得!!" 真係唔知好嬲定好笑 !!

 

 妹頭, 你呢個笑容........
arrow
arrow
    全站熱搜

    Elaine 發表在 痞客邦 留言(3) 人氣()

    E-mail轉寄