close
剛個星期日參加左 0811既水上 party 呀 !! 真係好耐無參加 gathering 喇, 個個小朋友都唔同晒 !! 今次有 20多個家庭, 地點係荃灣萬景峰既私人會所....嘩, 地方好大呢 !!
我地趁未係最曬既時候先落水玩, 小朋友有得玩水個個都好開心呀 !! Kitty 媽媽仲好有心思咁一早放左好多鴨仔同彩色波波落個池度, 好靚啊 !!
未落水, 妹頭先試吓水溫先........
玩水喇~~
被媽媽整古, 成個人浸左入水......媽咪大笑, 妹頭唔知發生咩多事 !! 
一臉都係水......
玩完水就食野, Hea 吓, 焗心太軟, 做吓小手工, 傾吓計, 三, 四個鐘好快就過喇 !!
點解咁多小朋友咁乖咁坐係度 ?!?! 睇電視呀 !! DVD 播 Twins 姐姐唱兒歌, 大家睇到眼定定......
叫琛琛一齊排排坐.........點知佢瞓左係度 !! 妹頭摸摸佢個頭, 話: 琛琛起身啦~~
咁同珏瑧排排坐啦~~
佢見到珏瑧隻手生濕疹, 佢捉住珏瑧隻手話痛痛, 跟住珏瑧又捉住妹頭隻手 !! 兩個小妹妹好可愛呀 !! 
同場加影......攬攬靚仔諾諾 (我都唔記得玩緊咩, 好似撞倒大家, 所有攬攬講sorry), 點知妹頭仲豬嘴要錫錫, 諾諾走左, 妹頭食檸檬....一臉無奈.......
點知諾諾仔又黎錫錫?!? 到妹頭整古佢喇....你睇佢笑得幾奸 ?!?
之後大家一齊做小手工....係毛巾蛋糕呀 !!
又有得玩吹泡泡.....呢個遊戲必令小朋友瘋狂 !!
最後每個小朋友派左糖 !! 因為我平時唔會俾糖佢食.....所以可想而知妹頭見到支糖, 簡直就係人間美食 !!! 好啦, 一次半次, 俾你食啦 !!! 
再下次既 BB gathering 應該會係11月出生月喇....好期待呢~~ 
全站熱搜
留言列表
飲飲食食 (2)