近牌公私兩忙, 想 update Blog 都有點有心無力.....我怎樣才可在有限既時間內做多d野呢 ?!?
妹頭~~~~~~~~ 
妹頭21個月了....長大了很多.....同我地既對答顯得頭頭是道, 真的有點人細鬼大 !! 對住天真既妹頭, 有時令人好勞氣, 但好多時又覺得好可愛. 哈哈 !!
妹頭可能知道大個女...媽咪少抱 (大小姐, 你好重啊 !!), 反而成日扭媽咪爸爸抱, 我當然很願意啦 (趁佢仲肯俾媽媽抱....第時再大D可能連拖手都唔制喇 !!)"媽媽, 你係咪諗遠左D呢 ?!?!", 不過妹頭, 再咁抱媽媽就黎手瓜起展喇 !! 
呢兩個月里, 其實疴shu shu 既訓練已有很大進步, 佢有意識同我地講要疴, 我地日頭已經唔同佢著片, 剩係著短褲仔, 瞓醒肯定成功, 便便都會話我知....所以而家係瞓覺同出街先著片 (話時話, 真係慳唔少呢 !!) 不過好多時叫佢疴 shu shu 佢都唔疴, 坐一陣就起身, 但轉頭佢一講疴就已經係好急, 等唔切已經賴左落地下 !! 成日同佢講 shu shu 要早d話俾比媽咪知...可惜暫時都仲係忍唔到 !!! 唉, 我相信要成功戒片都仲有好遙遠既路程 !! 妹頭, 我地一齊加油吧 (不過你要同我合作囉 !! )
另外, 大家有記得餵食妹頭食野好叻吧...雖然都會食到成面係, 但佢肯乖乖食飽先落地下都算係咁 !!! 不過而家唔係喇 !!!! 可能大個左...心很野 !! 而家坐係度食飯食兩啖就係度玩, 又攞野玩又企起身....自己又唔食又要媽媽餵 !!! 點解啊~~ 係咪 Trouble Two 既原因呢 ??? 妹頭, 你食飯乖d, 食完咪可以落地玩囉 !!!
不過話時話, 妹頭的語言天份真的唔錯....學得好快 !! 好多時我地講一,兩次佢就記得 !! 大家都話人仔細細竟然可以識講咁多野......呢一兩年BB (唔係BB喇) 既吸收能力係超強既, 我地都要盡量俾佢睇多d, 聽多d, 學多d呢 !!! 唔好話BB唔識, 其實佢地都不知幾精!!! 因為電視對 BB 無益, 我地係屋企都盡量唔睇喇....除非妹頭好想睇 DVD / 音樂碟啦, 如果唔係, 我地都唔會開......佢而家慣左都少左要求睇電視......不過無左電視又真的好清靜!!!
佢望緊咩 ? 蝴蝶飛呀~~
我靚唔靚 ??
跟住係睇書, 我想培養鍾意睇書呢個習慣 (咁我又可以借機睇吓書!!).....所以好多時都會叫妹頭自己攞本書黎同媽咪一齊睇, 佢雖然只係揭吓睇吓D圖, 但肯靜靜地睇吓都好喇 !! 而家夜晚瞓覺前都同佢講吓故仔, 有時係故事書, 有時係媽媽版既三隻小豬或狼來了.....妹頭好鍾意啊 !! 希望我可以繼續堅持啦~~
妹頭有樣野唔好, 就係夜瞓喇 !!! 我同人講妹頭11點先瞓, 大家都話"嘩, 咁夜 ?!?" 唉, 其實我都想早, 不過真係好難 !! 我地7點幾先返到屋企, 再沖涼, 食得飯都 8點多 !! 同妹頭食飯食完9點我先有得食....跟住食D生果, 玩吓或睇吓書都10點幾....咁又同佢安排擦牙瞓覺 !!! 點樣縮短啊 ?!? 不過11點真的唔係幾好.....我地而家盡量10點鬆D就擦牙, 希望10點半有得上床瞓覺!! 佢上到床都未必瞓, 一時要食奶一時要疴shu shu .....由得佢碌吓, 希望慢慢習慣 !!
原先都無諗住讀班, 諗住下年直接上 K1 做細B....不過見而家妹頭既發展又覺得佢適合返學, 可以俾佢試吓 !! 幫佢報左名11月插班讀兩歲班.....唔知到時適唔適應呢?? 同佢去過兩次學校, 表現都好好......佢仲一入學校大叫"我要返學!!".....老師見到都覺得好攪笑 !! 11月....我好期待呢~~ 
媽咪......影張相先~~
小趣
出街帶妹頭去厠所 shu shu....有時我都會趁一齊去埋...咁妹頭當然望住媽媽 shu shu....當我一疴, 妹頭就會指住話: "真係真喎, 真係有疴 shu shu 喎, 好叻女喎 !!" 你話係咪笑大人個口 !!
係屋企忍唔住shu shu 左落地下.....當然又被媽媽教訓啦 !! 我會罰佢企係度唔準郁....有時仲叫佢抆耳仔....初頭佢覺得好玩, 但企多兩企就知出問題, 開始求救大叫 "媽咪~~~""媽咪~~~" 原來媽媽係佢心目中好有威嚴呢...佢知道媽媽好愛佢.....但當我唔俾郁佢真的唔敢行一步呀 !! 當我抱抱原諒佢....佢就在偷笑喇 !!! 成個過程我真的好想笑...但又要忍住扮認真 !! 真係媽媽唔易做呀 !!
被罰抆耳仔呀......
全站熱搜
留言列表
飲飲食食 (2)