20媽媽小天地

妹頭今天約左回健康院打歲半針, 我同貴爸爸都特意攞假陪佢去........

體重: 11.88kg (超90線)

身高: 86 cm (接近97線)

頭圍: 49.3cm (超90線)

可想而知, 是大碼 B一名....還是一名頭很大的大碼 B !!! 幸好, 各樣都平均 !!

做歲半的發展測試, 姑娘都是問父母的多....妹頭咁多野講, 沒有太大問題 !! 可以指出鼻哥, 嘴巴, 耳仔.....叫佢疊積木, 初時都唔肯做...不過姑娘疊高左, 佢都肯跟住疊, OK無問題 !! 不過我現在比較擔心的是扁平足問題......我覺得妹頭腳板較平 (我有此問題, 所以知道日後行路會較易累同唔舒服), 但姑娘沒有什麼專業意見給我, 佢話扁平足係天生, 只叫我買D好D同 supportive既鞋俾佢.......咩扁平足無辦法糾正的嗎?!?! 我需要研究吓 !!!

最後打針....因為懂性, 我還以為今次會喊得最犀利.....嗌名時, 我同妹頭話 "行喇, 我地去接受挑戰喇~~" 不知妹頭是肉厚, 還是未有任何心理準備, 針到肉時, 佢有小點用力反抗...不過就一D都無喊到, 好叻啊 !!! 佢仲唔要我用紗布按住針口, 有無咁有性格呀 ?!?

落左幾日雨, 今日天氣難得咁好, 其實應該出去玩, 不過妹頭打針我怕佢會發燒, 都係遲D先, 唔急在一時....

p.s.: 爸爸尋晚回來時妹頭已瞓左喇, 今早起身送了一隻"虎頭"海寶給妹頭.....不過海寶沒有得到厚愛, 妹頭還是喜歡羊咩咩多D.....