第二日, 我地呢日既重點係 - 新加坡日間動物園
原先都有諗過去唔去夜間個動物園, 因為聽講很出名.....不過好似唔係好適合太細既小朋友, 而且夜晚四周黑蚊蚊BB亦睇唔到D咩 !! 無法啦, 留待日後有機會先再去啦 !! 不過, 日間動物園就超有驚喜 , 個人感覺很好, 環境又舒服, 保育做得好, 感覺好身處大自然 feel !! 好多動物睇, 而且好自由自在, 啱晒一家大細, 真係新加坡的一個大 selling point !!
我地雖然 order 了BB床, 但妹頭只係瞓左好少既時間.......大部份時間都係擠埋落我地張床到.....好彩張床夠大, 加埋肥妹仔都卓卓有餘 !! 你睇佢瞓醒個樣幾傻......
食飽奶, 我地就去搵我地既早餐喇 !! 目標: 牛車水既阿坤咖椰多士
經過 food center, 見到呢間"包青天"有粥賣......我特登叫老闆娘幫我將白粥煮滾一些, 準備妹頭的第二餐 !! 不過後來知道原來粥底已加了鹽, 食左一餐就無再買 loo.....之後都係食番帶去既米糊 !!
講番阿坤既多士, 確實幾好味 !! 不過我唔 like 個水煮蛋....感覺很怪, 試過便算 !!
妹頭, 俾D包包你食啦~~
有好多本地人+遊客特登去食呀 !! 食完就出發去動物園喇~~
到動物園時落起細雨, 妹頭又瞓著左.....我為佢 DIY了呢個"防雨腳套", 真的好"大陸", 自己做完都覺得好爆笑!! 不過妹頭唔駛淋雨, 是旦啦 !! (係咪阿媽心態呢?!? 唔理好醜, 最緊要個女 OK !!)
妹頭覺豬, 我地兩公婆影吓相先~~
貴爸爸既衣著同工作人員一樣, 好"natural", 好似係到做...........
動物園, 一個字 "GOOD" !! 有幾多動物 ?? 呢度都影唔晒呀~~
動物同環境配合得而天衣無縫 !!
動物園內有呢類遊覽車兜圈俾你睇, 自己再可慢慢行去睇真D.....
除左動物, 園內環境都好靚 !! 我地一路行, 有好大隻既鴨鴨同不知名既鵝同我地一齊行, 妹頭見佢跟住我地, 好攪笑 !!! 臨走前睇左個大象 show, 叫 Elephants of Asia, D 象真係好乖好叻, 個 show 好笑好好睇, 大家有機會一定要睇 !!
動物車, 動物垃圾桶 !! 即使係洗手間都好靚啊~~
動物園可以消磨一天, 我地晏仔就係園內 Ah Meng 餐廳, 都OK架 !! 新加坡美食: 叻沙 + 海南雞飯
下晝四點幾行完, 我地就搭車返酒店.....同妹頭沖個涼, 休息吓, 準備夜晚再出動搵食 !!!
留言列表