20媽媽小天地

我地去程搭 A380, 下午 4 點機. 為免有漏, 我之前個晚就執定行利......咪講少, 兩個大人就超簡單, 不過帶埋bb野就足足要一個大喼先得 !!

1點多就到機場, 去左T2醫肚, 好有緣, 竟然撞到中學同學, 大家都一家大細......妹頭係車度扭眼瞓, 瞓醒就到機場喇 !!! 醒時仲懞懞地.....啊, 去左咩地方呢 ?!?

呢個就係我同學仔 Elkie 喇, 係咪好靚女呢 ?!?

T2 有好得意既 Holloween 裝飾, 影左幾幅相就拿拿林去閘口準備登機喇~~

有BB, 有得優先上機..........

我地上機喇~~

未起飛, 影幅全家福先啦 !!

A380 真的比較闊落, 座位很舒適..........即使座位前加左BB籃都唔覺迫, 真棒 !!

外置安全帶俾 BB~~

我都驚BB遇氣壓唔舒服, 帶左好多餅餅 !!  上機後空中小姐俾左玩具俾我地....不過星航呢個公仔就真係..............!!  連妹頭都唔要呀 !!!

幫妹頭 order 既BB籃, 真係皇帝式既享受喇 !! 長度啱啱好, 又闊又舒服 !! 做 BB, 真嘆 !!

我好鍾意呢兩幅相, 妹頭好可愛啊~~

原先諗住可以係 A380 度睇套戲....不過揍住妹頭就睇唔到喇!! 一時呢樣, 一時個樣, 激屎 !! 食飽飽之後又扭眼瞓.....到瞓醒時就已到新加坡了 !!! 又去左個咩地方呢?!?

返酒店放低行李, 大概9 點...我地近近地搭的士去老巴刹食消夜.....

老巴刹室內呢個時間已經好少人....不過室外就超熱鬧 !! 簡直兩個世界 !!

我地一坐低就又好多人黎 sell.....我地叫左 Satay, 炒粿條, 炒菜 !! Satay 晒最細size 都要 20 條, 每人食成10條, 不過好好味呀 !!  Good !!

唔想妹頭太夜瞓, 食完就返酒店休息喇 !! 準備第日行程........