妹頭唔識自己瞓呢個問題真係好困擾我地.....晚上遲遲都唔瞓, 又抱又 tum 又要食住奶又要痴我地瞓, 星期六同 D 媽媽 gathering 後, 我地決定開始同妹頭訓練"自己瞓覺"........
我地餵完奶就將佢放入房的 bb床.......關淨一眼暗燈, 開冷氣, 關門.......妹要當然大哭特哭, 有咁大聲喊咁大聲.....我地隔半小時入房睇吓.....其餘就只可係門外聽吓有無動靜. 其實妹頭不停的哭, 我感到很難受......真的我好想心軟放棄算了......但係我知道我唔可以咁做, 如果唔係愛佢等於害佢 !!!
初初不停的大喊....到最後我想是她哭累了....剩下嗚咽......最後靜止....足足一個半鐘頭 !! 我地入內看, 她累了爬在枕頭上 (我怕佢撞倒所以放左大人枕頭同 cushion), 真的好可憐........
d媽媽分享話要bb適應大概要 10日8日....而且日日要堅持的狠心 !! 希望我地能夠堅持到底, 亦希望妹頭能夠學懂眼瞓可以自己瞓 !!!
尋晚第二晚, 又是另一個 1.5小時.......最後妹頭係坐著睡, 手仍扶住床欄, 她不懂瞓低來睡......看見我都想哭呀 !!!
9月2日 update:
多謝各位朋友仔既支持同關心呀 !!! 我都同同事傾過....方法有點 modified...
星期一晚: 我地一樣放妹頭入房同bb床, 不過我地陪住佢.....但佢可能俾之前個兩晚嚇親, 一擺上床仔就大喊, 點拍點tum都喊 !!! 睇佢喊左個幾鐘, 我自己都忍不住流眼淚......最後我抱起佢, 佢爬在我膊頭即刻瞓著....我想信佢已累到不能再累了 !!! 瞓著我就放佢落BB床 !! 雖然半夜都有醒, 但我同佢食d奶瞓著又放上bb床, 可以瞓到朝早 6:30 am.
星期二晚: 為左令佢唔好抗拒, 我再改進個方法!!! 一開始同佢入房, 不過係放大床, 同佢玩, 睇書仔...約20分鐘我見佢開始累, 就開奶食飽飽先 !!! 佢累就開始喊.....不過一樣尤得佢喊......約半個鐘後我決定抱抱佢, 佢慢慢係我膊頭上睡著....我當然就放回BB床 !!
呢個方法我覺得 OK, 妹頭亦比之前早左睡 !!! 希望佢慢慢適應啦.....等我遲d再跟進個case 俾大家啦 !!!
全站熱搜
留言列表
飲飲食食 (2)