20媽媽小天地

瞓左晚好既, 起身食個靚早餐, 整埋個音樂盒, 我地就去札幌喇~

Smile Hotel 雖然是平價酒店, 早餐都很不錯呢......有少少自助既水果, 沙拉茶同多士, 右邊係見人頭即做既熱騰騰煎蛋同腸, 好 Good 呢~!

簡單既用餐地方, 心情好, 食咩都好開心 ^^

食完放好行李, 我地就去遊工房度整小手工喇~

步驟一: 攞個籃, 選好所有你要既野, 音樂底座啦, 公仔啦, 配地既沙粒啦......

兩個發揮女性既 shopping 本色, 挑選自己既心頭好.......

這個小姐咩都要自己黎.............

令人眼花撩亂既裝飾........整咩好呢 ? 

步驟二: 選好就可以搵爸爸媽媽去俾錢 !! 

步驟三: 姐姐會俾兩隻膠水, 要我地自己快速調均勻, 就可動手貼架喇~

好認真既小妮子 ^^

有媽媽幫手, 完成喇~~ 

係咪好靚好可愛呢?!  係好好既紀念品來呀~~

離開小樽, 我地起程去札幌喇................午餐時間, 先去場外市場食好野~

咁大隻 ?!

揀好海鮮, 就可以坐定定等食好野喇~

 Yum Yum, 流口水呀~~ 

周圍都有好多野食, 任君選擇!

場外市場附近便有間西松屋, 媽媽們食飽飽可以去 shopping~

我地放底車, 跟住去左 Sapporo Factory 逛吓~

好古典既紅磚瓦建築....

整面牆被綠葉圍繞, 好有型!

開心時刻, 又係 Ice-cream time !!

周圍 Hea 吓...........發現有個室內遊戲室!! Go Go Go~

聚精會神地.................打機!!

下面呢個無入錢..........兩個都玩得咁緊張!! 哈哈哈哈~

小姐們發現左部新機............可以變身做公主呀~~~

先要攞住神仙捧揮動去捉精靈, 最後重要擺 post 影相, 好攪笑!!

一人一張, 公主們開心晒 ^^

跟住返酒店 check in.........放好行李, 就去時計台同大通公園行吓...........

很 rock 的予晴....... 

樂程, 影得唔錯呀~!

大通公園名物: 燒粟米~

日本既粟米真的好好味~

俾佢兩個 KO 左好多 !!  

浪漫既時計台.........

不過只係到此一遊, 因為我地要趕住去買野食同睇煙火呀~

, 

日本既夏天有好多煙火晚會, 出發前要 check 清楚呀! 呢段時間我地遇啱有真駒內公園既花火大會................時間緊迫, 我地兵分兩路, 我就同兩個小朋友去買定食物, 而貴爸就去攞車接我地!!  上車入好 map code 就出發..........可惜去到附近覺得唔係好對路, 應該係 map code 錯呀!!!! Oh No~~~

我地拿拿聲搵地圖再 set 過 map code.............不過去到封路都唔係好識行, 中途路邊就見到煙花發放, 我地塑性停係路邊睇!! 

係黑漆漆既夜空發放, 點亮天空, 好靚呢~!

我地不時仲見到穿著和服既男男女女行過, 相信係主場睇一定好有氣氛呢~

睇完我地就返酒店沖涼休息喇................原來酒店側就係出名既信玄拉麵, 呢間係好多本地人都去食既拉麵鋪, 我同貴爸心郁郁去試吓, 夜晚11點幾落去仲排晒長龍, 吓, 唔係麻 ?!? 

鋪唔大, 三個負責人忙碌既不停煮, 不停煮..............食客都好有效率, 坐底就點麵.......好快就 shu shu 聲食麵, 食完就俾錢走人!!

價錢唔貴, 湯濃拉麵好味道 ! 讚呀~

登..登..登..登~

唔客氣喇~

札幌皇家Stay酒店, 價錢平, 房空間很大, 雙床已經夠瞓, 我地仲加左張單人床, 所以很舒適呢~

洗手間比其他小型酒店的迷你洗手間大些..........