20媽媽小天地

今日簡便早餐, 就係尋日係北菓樓買既妖精之森, 好好味呢~

咁好食既蛋糕唔食, 小鬼竟然要食呢個.........!!!

換好衫準備出發, 尋日買既小禮物, 小姐們急不及待要戴上身喇~

無論3歲到80歲, 愛美都是女人的天性!! 

今日行程, 先去北海道大學行吓! 大學有條出名既銀杏大道, 秋天開滿銀杏就會變到天地一遍金黃, 好靚的! 我地而家正直炎夏, 只係綠油油一片, 不過都想去 hea 吓~

有幾個入口, 不過外來私家車好似唔可以入呢.........我地只好泊係出面咪錶位, 再行入去~

就係呢個林陰大道, 綠油油, 阻隔左大太陽, 好舒服呢~

貴爸話要同工科影幅相喎~

里面有個靚靚既荷花池, 環境好寧靜, 係度溫書唔知會唔會易D入腦呢?! Haa Haa~

夏天開滿荷花呀~

無咩其他野睇, 我地行左陣就離開了~   大家估到是什麼動作嗎 ?

跟住出發去白色戀人.......中途見到啱就停車食個午餐先..........兩女話要食壽司, OK OK, 無問題!!  回轉壽司, 啱晒你地啦!!  唔識日文唔緊要, 見啱就可以攞黎食..........點知, 原來我地攞左好多人地特登點既食物, 到有侍應走黎同我地講先知!!! D人應該好奇怪, 點解點極D野都未到!!!! 哈哈哈哈.........真係唔好意思, 失禮C人喇~ 

價錢平, 好多本地人都黎食呀~

壽司賣相都吸引架~

咪再失禮, 下次食回轉壽司要留意喇~~ 

食飽飽向白色戀人進發..................因為多遊客, 佢除左主停車場, 附近仲有幾個露天停車場,, 有足夠車位, 亦有工作人員通知你去邊度泊, 都方便的. 

紅磚外牆既朱古力工廠, 我地到喇~

入口有咁大塊白之戀人歡迎你...........

買完飛就可以參觀喇~

佢既裝飾好古典.........呢個噴水池係遊人既影相位, 仲有專人幫你揸機 tim.....

好喜歡呢種復古既味道, 好優雅~

好多閃閃發亮既古瓷器........好靚呢~

青花瓷磚既樓梯, 都係好靚既影相位~

呢個入口就開始參觀白之戀人既生產線, Go Go Go~

隔住玻璃見到.........全自動化既生產線, 一部部既機器, 一格格既餅干, 好有趣呀~ 

唔知Q完不合格既餅干會點處理呢?!

睇完生產線, 你可以去 DIY 屬於自己既白之戀人, 又或者去坐底嘆個 High Tea !
我地就梗係被呢D吸引啦~~

靚靚甜品當前, 點抵抗 ?!?

隔離有個小小既懷舊玩具博物館~

好幾個地方都見到呢個................同予晴講伸手入去, 佢會知你講真話定假話, 佢又跟住伸手去測試.............當然結果都係媽媽扮的!! 哈哈哈哈~

又出去周圍影吓相, 成個城堡咁, 好夢幻呢~

周圍都種滿彩色既鮮花, 好靚呢 ^^

人比花嬌嗎 ?

我地都來開心一下~  Hee Hee~

小予晴與小木偶 ?!

買完手信又可以買糖果..........咁大支?!

帑

望住佢地整, 碌吓碌吓, 都好得意架~

放入模便可以了.....

一支支波板糖便完成喇~

歡迎試食.............不過我地食完係...................!!!!! 

佢D包裝好靚, 用黎 tum 女朋友一流呀~

出面花園有好多間小屋仔, 里面有晒傢俱既, 高度啱啱好, 兩個小朋友玩得好開心呀~

玩左一輪, 工廠都要關門休息, 要走喇~!  我地去到停車場取車, 其他車已走晒, 得番一,兩架車係度, 嘩, 真係玩到盡呢~~

我地先返酒店泊好車............再去狸小路行逛!! (仲有力?! )

我地無特別要掃貨,  hea 行影相多D~

反而去打機 Haa Haa~

呢隻豬要不停搖佢等佢行快D..............玩完攰到呢 !?!

出名既商鋪街, 到此一遊~

最後係狸小路店既炎神拉麵食埋我地既晚餐, 滿足!!

返去浸番個靚浴再瞓覺, 爽呀~