20媽媽小天地

今日離開洞爺, 先係旅館食過早餐 (包既), 我地執好行李, 就先揸車去昭和新山睇吓................

不過去到周圍都好大霧呀, 咩都睇唔到, 所以都唔諗住周圍行了, 到此一遊影幾幅相就算喇~

大霧到呢..................仙境嗎?!

我地就諗住去洞爺湖遊湖.............路過竟然見到一大遍既向日葵既花田, 嘩!!!! 超 surprise 呀!!  因為之前 plan 行李時, 知道八月中先係向日葵既花季, 今次行程應該睇唔到............而家突然有意外收穫, 超開心呢~ 

一遍金黃, 超靚!!

大大太陽, 我地都睜唔開眼呀~

人比花嬌?!

我都要人比花嬌呀~ 

去番湖邊, 小姐們話想坐鴨仔船, OK OK ! 不過你地兩個要踩先好喎~~ 

出發~

係湖上浮吓浮吓..........欣賞吓周圍既景色, 好寧靜, 好悠閒呢~    下面呢個就係湖中島喇~

係水中望番上岸, 好優美呀~

係小姐腳下一時向前一時向後踩...............一個鐘好快就玩完喇!

離開洞爺湖, 跟住開去登別...........見到妖怪就係登別喇~

路過的登別車站~

我地先玩Nixe 海洋公園 (大人2450 yen, 小人1250 yen)............佢同伊達時代村 (大人2900, 小人1500), 同熊牧場(大人2520, 小人1260) , 可以用 Theme park 套票 (大人6500 yen, 小人3400 yen), 如果係諗住玩晒三個景點, 套票價錢抵好多架, 只要去 counter 買飛時同佢講就得喇~

Nixe 海洋公園, 地方唔算大, 不過都好多海洋生物睇, 又有得互動, 唔錯!

一入去就見到大大既魚缸, 好吸睛 ^^

除左睇, 仲歡迎隨便摸, 好興奮的!!

摸魔鬼魚, 感覺好得意呀~

地方唔大, 我地好悠閒的食完午飯再繼續..............

佢有個小朋友樂園, 遊戲要收費的~ 

白馬公主...............

兩個走去跳跳跳~

有張免費摩天輪飛..............我地無咩興趣, 最後由爸爸去坐!! Haa haa~

摩天輪下的全景, 唔錯呀~

樂園特別之處, 就係一年四季企鵝都會出黎巡遊, 雖然唔多, 不過望住圓 do do 既佢地, 一個跟一個排住咁行, 真係好可愛呢~

睇完唔好咁快離開呀，因為佢地會沿路線番轉頭架~~

佢有個沙丁魚餵食 show......超好睇的!! 一大群沙丁魚跟音樂燈光跳舞, 推介!

我地最後睇埋海豚海獅表演就離開喇～

海豚無論睇幾多次都係咁好睇!!

我地今晚住室蘭...........室蘭係洞爺湖同登別中間, 半個鐘車程, 都幾方便. 

室蘭係個工業城市, 所以無咩遊人................不過佢都有個室蘭八景, 我地就去左地球岬..........

聽講話地球岬可以望到地球係圓既............我地當然要睇吓啦!!

emm....都有丁丁感覺到弧度..........不過自己都懷疑是不是真的...........諉還是自己想相信是弧的?!! 哈哈~

我地原先都諗住去白鳥大橋睇吓, 不過見時間都唔早, 又唔係特別想去既景點, 就無去了!

我上網搵過, 原來室蘭出名既名物係咖哩拉麵...........一場黎到, 又試吓啦! 

咖哩味好濃稠.......好特別，不過我地唔係好懂得欣賞 ! Haa haa~

我地上酒店 check in..............趁早又貢去附近既大超級市場在逛吓買野食, 又試埋室蘭出名既串燒........好受歡迎，室內坐滿人呀～

酒店乾淨舒適，ok呀～