20媽媽小天地

完結旭川既行程, 今日就起程去小樽喇!!  由旭川去小樽, 要成兩個小時既車程...........放好行李上車就快快起行~~

中途會經過一個公園 - 砂川市孩子的國公園, 有興趣可以去玩呀!! 我地就直去小樽, 無停低......

到小樽第一個目的地係...........醫肚! 我地只係車度食簡單早餐, 所以先去三角市場食正野!!!

三角市場唔大, 不過食早餐, 新鮮好味就足夠啦~  首先吸引眼球既係500 yen 一個既活海膽..............新鮮即買即開, 超 yummy !!!

呢個甜姐兒唔知同老闆講D咩野...........贈送肥美蟹鉗一隻!!

令人流口水既海鮮呀~!!

小姐們, 咪篤啦~~ 

可以開餐喇~~

大人先食既.........超肥美生蠔~~

生蠔 cheers~

佢地兩話最鍾意食呢款!! Haa haa~

呢個旅程, 妹頭愛上左燒元貝, 真識食!!

小樽駅.....側邊就係三角市場喇~

食飽周圍去行吓, 小樽好適合一日散策遊, 放慢腳步去感受吓悠閒既氣息.............

鍾情於三姐妹照!!! 哈哈哈哈~ 

小樽運河, 唔影唔得啦~

駐場有位專幫遊客揸相機既大叔, 非常之多謝呀!!  

小樽運河食堂, 里面有好多餐廳選擇~

亦都有售賣紀念品既地方~

另一搵食點係出拔小路.......

真係小巷來的~

爸爸先打咭~  

我地當然唔放過呢個超人氣既聖誕老人的鬍子雪糕啦~! 

跟住就去做一吓遊客: 寄明信片 !!

要寄俾親愛既表姐.........內容由妹頭執筆.........妹妹負責郵票 ^^

貼埋郵票就得喇~

小樽周圍都係硝子館.....亮晶晶的!!

價錢都好亮晶晶.........

不過同佢地行有D驚......尢其是咩都想摸既予晴........打爛左媽咪無錢賠架~~ 

行無幾耐, 又食野 ??!? 

呢個好到肉又好好笑~ Haa Haa~

笑容滿瞼 vs 無表情 !! 

好喜歡跟住呢幾幅相, 整古做怪, 好可愛 ^^

尢魚姊妹花 !! 

LeTAO,  北菓樓, 六花亭...........又係吃貨時間!!! 

去到音樂盒堂本館.........整棟樓都充滿住不同既音樂盒, 好夢幻呢!! 我地一心想整音樂盒, 原來唔係呢個大樓, 係附近既遊工房......因為六點前關門, 所以我地留待明朝整完先去札幌.....

遊工房: http://www.otaru-orgel.co.jp/j_youkobo.html

離開音樂盒堂, 趁天未黑, 我地駕車上天狗山, 想睇出名靚既夜景........

不過呢日天色唔係太好, 好厚雲, 又大霧!! 坐纜車上到去太陽已落左山............只有好少好少既橙紅色....

白濛濛一片............美麗既小樽夜景, where are you ?? 完全睇唔到囉 ~! 

只好高唱 Let it Go~~ Let it Go~~  Haaa Haaa~!

又有遊客上黎睇霧喇~~ 

無夜景睇, 只好周圍行吓啦! 好多人都會黎摸摸天狗個長鼻子............

er...浪漫............?!? 

有個小小既展館, 放滿不同既天狗, 妹頭竟然話好驚唔敢入去睇!!! 

好懷舊既感覺, 我地配合得好好!! 哈哈哈哈~

我地留左一陣就搭番纜車落山喇~  趁天黑我又兜去小樽運河度影張夜景照對比吓~

日間既小樽運河...........寧靜舒服

夜晚既小樽運河...........有另一番浪漫既味道

冬天既雪祭必定很美吧~

6

最後搵地方食野........小朋友話想食壽司! 因為時間夜左, 好幾間都 full house 或就收鋪了! 最後我地去左酒店樓下既壽司鋪..............店內都已經無晒客人, 變左壽司師傅專人服務我地幾個!!! 

返回酒店...........Smile Hotel 係連鎖式酒店, 價錢很平, 沒有要求, 簡單的格局, 空間都 OK. 

皮