書展 2009 @ 20媽媽小天地

要揍B, 原先都諗住今年與書展無緣, 不過又心癢癢想去睇吓有D咩新野, 又想為妹頭買D BB書.......同貴老爺諗過度過, 想去就去!!! 最尾抽左上星期六既上晝去行一行, 妹頭就唯有托黃爸爸照顧多半日啦 !!

諗住星期六上晝會少人D.......點知都要排長龍, 打蛇餅....排左起碼半個鐘先可以入到場, 不過都算順利 !! 裝修後既會展大好多.....今次分左好多個館!! 我地一開始就向我地目標進發 "兒童天地" !!!

咪講少, 淨係"兒童天地"一個館都好大.......會場有好多一套套既教材, 父母都好肯為仔女投資, 小朋友呢個 market 真係有得做 !! 我地淨係行完個"兒童天地"都要兩個幾鐘 !!! 今次買左D大粒字既 BB書, 彩色貼紙, 度高尺, poster, 又買左D填顏色畫冊俾心怡, 只係用左幾百蚊, 都OK啦 !!!