20媽媽小天地

話咁快, 妹頭四個月喇 !!

 <--新 look 同爸爸合照...

婆婆尋日同妹頭做左四個月大既儀式, 真的又騎里又攪笑!!!   朝早我地幫BB剪頭髮, 原先諗住到樓下既剪髮鋪剪, 但係師傅話平日黎好D, 星期六, 日多人驚會撞到BB.......咁我地算啦, 最尾由公公操刀, 不過效果就...............!!!  剪完髮沖個涼就幫妹頭著套靚靚新衫!!!  跟住婆婆話要做一圈餅餅掛係身度, 再叫表姐咬啖........喻意有得分俾其他人食喎!!! 我見證住呢個咁攪笑既儀式, 大家都笑到肚痛 !!

 <--制作中....

<--俾表姐咬左啖!!!

另外就係食蝦喇......代表之後可以食其他野喇!!  不過我都唔知點解係蝦而唔係其他肉類 !! 我都只係俾左小小蝦尾俾妹頭食咋!!!

 <--媽咪餵我, 好好味呀 !!

四個月既妹頭

好鍾意笑, 好鍾意唱歌 (其實係不停咁叫), 好鍾意見到媽咪, 好鍾意有人同佢傾計, 好鍾意爸爸媽咪同佢郁手郁腳做運動, 好鍾意俾爸爸拍豬肉咁拍佢既肥脾!!  開始八八掛掛, 周圍望, 尢其是食奶, 唔再好似以前咁乖乖食!!  鍾意攞野, 例如拉下衫, 拉下張被.........鍾意翹腳 (媽咪都鍾意!!), 鍾意坐同企, 唔要再瞓係度喇~~

最唔鍾意瞓床仔, 喊極都無人理, 亦都唔肯乖乖早D瞓......爸爸媽咪都最頭痛, 每晚都好似打仗一樣!!!