20媽媽小天地

妹頭好可憐啊~~ 

之前塊面成日都有粒粒，不過似敏感，又唔嚴重，所以都無咩理佢。只係時不時幫佢洗下面.....不過上星期開始，唔知點解面度Ｄ粒粒有擴大跡象，又紅又腫，仲有點發熱!!  我試過勤Ｄ幫佢洗面，擦 cream, 公公又試過用金銀花水幫佢印臉朱......但都無用!!　仲覺得好嚴重 tim....

星期二晚，卒之同妹頭去睇醫生........今次仲係妹頭第一次睇門診醫生呢 !!! 醫生話佢呢Ｄ係 BB 濕疹, 主要原因係BB臉皮簿, 好易缺水缺油, 要時時幫 BB 搽 cream, 如果唔係就好易出呢D疹, 另外就係BB成日流口水, 口水有酵素都會令皮膚變簿!! 醫生開左藥膏, 夜晚即刻幫妹頭搽, 唔知係咪好痛好唔舒服呢, 妹頭喊喊的好大聲呀!! 真的好可憐呀!! 不過搽左第二日就有好明顯既改善, 起碼無咁紅腫.........到今日已經好好多 loo~~

希望妹頭快D好番, 變番皮光肉滑啦~~

<--好痛啊~~

<--好爛.....

<--尋晚好左好多喇!!

<--今晚 yeah!!