QQ 的婚禮－20媽媽小天地

零八年三八婦女節 - 相信係一個大好日子, 身邊都聽到有朋友選擇於呢一日結婚, 拉埋天窗 !! 我地夫婦兵分兩路, 貴老爺就去 Martin 既婚禮, 而我就去好朋友 QQ 既婚禮 !!

QQ 其實之前已做左註冊手續, 今次係做番所有傳統習俗同擺喜酒!! 相信每個新娘子都同一樣, 要令個婚禮做到最好最完美, 佢之前用左好多時間同心機, 好多野都自己落手落腳去搵去準備.........肯定忙左好耐, 我當晚見到的QQ瘦左好多呢 (super 纖腰) !!!

飲宴地點係沙田馬場既廂房 (今次係我咁大個女第一次入馬場咋 !!), 佢地既佈置好清雅, 個台用左國皇同皇后既皇冠代表, 好靚好得意呀 !! 睇見QQ成晚都好開心, 笑得好燦爛, 不過佢講野時又變回了活潑的傻大姐！！　係宴會中途佢地兩夫婦既兄弟姊妹好朋友送左個驚喜俾佢地，好朋友唔知送ｄ咩俾佢兩夫婦，就安排左每人送上一支玫瑰加佢地心里面既祝福，雖然好簡單，但場面好感覺呢 !!

QQ, 真的為你好開心！印象中的你一直都很心愛對方，祝你同老公 Roy 繼續恩恩愛愛啦~~