20媽媽小天地

返工咁耐一直都忙個不停, 工作永遠都做唔完, 加上經濟唔好, 影響我地公司的生意, 令我地須做好多既野, 又要 commit 為公司慳幾多幾多錢......我感到工作壓力增加左好多 !!  加上揍 BB, 每日都在趕趕趕, 24小時都不夠用....幸好有公公婆婆幫手照顧妹頭, 我可以放心工作, 但整個人感到很疲累, 有點吃不消........

我明白為何生完BB的媽媽會咁想放棄工作做全職媽媽, 因為小朋友既成長真的比工作重要, 可以照顧BB而不用為工作而煩惱....好幸福呢!! 工作辛苦時我都很羨慕.......不過我始終是要工作的人, 遺有每星期寄望 weekend 的來臨 !!

妹頭明天便3個月大了......之前堅持餵媽媽奶, 雖然奶量唔足夠佢一天 (補1-2餐奶粉), 但我仍然每日努力咁做奶, 希望餵得幾耐得幾耐, 將最好的留給她!!!  但這幾天內心有很大的掙扎.....係咪要停餵媽媽奶?!?!  因為餵母乳人真的好累, 又要常常趕 pump 奶......但一旦放棄了便無得返轉頭, 到時後悔想繼續都 no way !! 所以仍然一天拖一天咁做緊奶農.....我如何是好呢?!?