餵奶機器－20媽媽小天地

生產前, 我決定以母乳餵哺, 當然知道人奶對BB 是最好, 最有營養的 !! 我亦"滿有信心"的以為餵人奶好容易...........但當我生了妹頭, 要實行就知道這個想法實在是大錯特錯了 !!

係醫院時, 姑娘安排了每 4 小時一次的餵奶時間, 可惜我未上奶......一滴都無, 但又要俾 BB吸吮, 即使吮左成個鐘放上床時都仲係哇哇大叫, 我望住佢真的感到有無奈又無助 !! 妹頭得個吮字, 又食唔到野落肚, 我兩邊乳頭又吮到損左, 好鬼痛!! 真的怕左餵奶........係醫院, 好彩有姑娘幫我補奶粉, 我先可以有數小時既睡眠.......

返到屋企.......真正既惡夢先開始 !!

帶妹頭見醫生時, 原來 4 小時一次係完全錯既, 初生嬰兒需要每1-2 小時就餵一次, 頂龍 3 小時都要叫醒 BB食奶......要食密D, 乳房先至會跟需求做多D奶 !! 可惜我上奶上得很遲, 係醫院最後一天才勉強有"幾滴"!! 嘩, 簡直係滴滴"甘露".......

唔知點解, 我已飲左好多魚湯, 奶量都仲係好少.........而家每兩個鐘就要餵一次, 但都仲要間中補兩餐奶粉.........點解阿女餵完都仲係張嘴要食?!?!? 點解食極都唔飽?!?!? 係咪阿女特別大食呢?!?!? 點解餵奶就瞓覺, 放上床又喊呢 ?!?!? 妹頭, 你係咪整古我呢?!?!?

而家既乳牛生涯唔知仲要幾耐呢? 我同貴爸爸都就快要瘋癲了..........