媽媽十級痛－20媽媽小天地

嘩, 尋日終於同妹頭回家了~~　

回想呢個星期, 簡直係惡夢 + 喜悅 + 疲累........係我一生中很重要的一個時刻 !!!

惡夢, 當然係指生仔的十級痛楚.......雖然已經過左, 但個12小時真的令我畢生難忘!! 有朋友話我算係 lucky, 唔係話痛好耐, 但我估對個媽媽黎講都係有想死既感覺 !!!

14 Nov

0800 入院辦手續, 磅重, 量血壓, 安排床位. 醫生伸手入陰道探子宮是否有開.....感覺好痛, 好唔舒服!!

1200 食醫院 lunch.....仍在等醫生安排催生. 同房有4 個 BB 同時哭鬧, 個刻好驚 !!

1400 醫生塞催生藥於陰道代子宮口擴張.....佢解釋有兩個 extreme case: 1) 塞左3 日藥子宮仍無反應 ---> 要安排剖腹產. 2) 塞左藥，胎兒太敏感致心跳不正常 ---> 需緊急開刀。　心諗........嘩，咁咪有幾會仲要等!!

1800 食完晚飯，開始感到下腹痛，成個肚好墜.....要坐係床，唔可以行同企.....

2000 同姑娘講話好肚痛........佢話暫時未係，要痛到５分鐘痛一次先叫佢......

2130 睇珠光寶氣......開始５分鐘一次的陣痛......我用之前學既深呼吸 relax....但唔係好 work, 個人好唔舒服......

2230 通知姑娘........佢幫我檢查，聽胎心聲，但叫我痛密Ｄ再叫佢......

2330 我到下體"噗"一聲，有水流出黎!!! 個心好驚，即刻按鐘叫姑娘......檢查後執野準備轉入產房。

15 Nov

0015 打電話通知貴爸爸到醫院陪產........開始大痛，想喊........

0030 因為好痛，我不肯定係咩時間.......姑娘俾"笑氣"我，聞左幾啖好"Wing".....但陣痛密左，keep 住聞到個人都 high high 地，姑娘叫我唔好聞，但我完全聽唔到......

0100 打止痛針，我 feel 到手腳一陣痳痺，但仲係勁痛.......連"笑氣"一齊吸都頂唔順..........之後開始痛到大叫，每一下劇痛都令人難以忍受，開始痛到典床........幸好貴爸爸 keep 住叫我 relax....

0430 助產士開始幫我生產，要用力 push BB 出黎.......

0455 助產士通知陰道口已見到 BB 頭有５蚊餅咁大........but 可能 BB 過了期，頭骨比較硬，我要用相對大的力氣先可以推個 BB 出黎........但我試左好多次都唔夠力........每次陣痛我只可以配合 3-4 口氣......每次都令我筋疲力竭........助產士同貴爸爸都在鼓勵我，但我就是做不到.............

0540 嘗試左好多次，整個人都已無力........我見到好多人幫我，大家都好緊張，後來貴爸爸通知除左助產士，同場仲有兩個醫生同兩個高級同護士，因為我已經生左好耐，所以佢地好緊張.........