20媽媽小天地

尋日返母嬰健康院做例行產檢, 一輪常規磅重驗尿量血壓後, 就等醫生同我 check 肚聽胎心聲.........經醫生按完一輪, 佢話 "BB已經落得好低喇........" 心諗: "係咩, 好低嗱....",  到臨離開時, 姑娘將我既記錄入公文袋, 佢話我要帶住佢, 而家有機會隨時作產..........嘩!! 隨時生得!!!   好緊張呀, 我仲係 36 週咋喎..........!!!

返到公司我話比自己 team D 同事聽, 大家都好緊張, 即刻圍埋黎問情況.......事原大家都未開始 follow 我 D 野, 萬一突然要生, 都唔知點跟我 D 野!! 諗起都好攪笑.......Haaaaaaaaaa.........

不過我同事話佢個時生仔都早左 3 星期.......嘩!! 原來可以早咁多 gei, 我仲諗住預產期前後生, 我個心未準備好呢!!

經網友提點, 我仲問醫生係咪可以做 B 型鏈球菌檢查, 好彩最尾醫生都幫我 check, 唔駛自己再搵私家做, 慳時間又慳番筆$$ !!  約兩個星期有結果, 希望無事啦 !!