4月5日, Day16
今日要離開 Mykonos, 天陰陰落起雨來!! 我地瞓得飽飽, 10點多 Andrew 黎為我地 pick up 行李, 我地有 3個半鐘 freetime!! 去返平民餐廳食個有蛋有奄列既 "full breastfast", 飲杯熱辣辣既鮮奶 
, 正!! 煎蛋同奄列都太多油, 差左D!!
不過早餐真的好 full, 好飽飽!!
我地行下小巷, 影下相, 原本想搵番間鋪頭 (之前見到有個小手袋幾靚), 可惜行黎行去都搵唔到 
, 周圍都係差不多既藍白小屋........有點迷路!! 算了, 可能無緣!! 無論如何, 貴老爺欠我一個手袋, 有拖無欠~~~
1點我地係碼頭取回行李, 就準備上船回雅典 loo.......Mykonos 回雅典, 船程 5個半小時..........但呢程船我覺得好辛苦!! 唔知點解今日有點頭暈暈, 人好唔舒服, 5 個幾鐘好似等左好耐好耐, 令人好想作嘔!!
連貴老爺咁有耐性既人都覺得好辛苦, 好"難捱"!! 返到雅典仍然落緊大雨, 我地酒店係 Omonia Square, agent 介紹, 不值一提的酒店!! 唯一可取之處係位於地鐵站側, 好近好方便!! 呢日個人好不適, 一 D胃口都無, 於酒店附近食個簡單意粉就返去休息!! 今日既狀態好差呢~~~
4月6日, Last day
今日會由雅典返香港!! "回家"既感覺真的好好, 好掛住屋企呀!!!
搭下午 6:50既機, 我地早上係酒店食早餐, 執埋行李就 check out 喇!! 歸心似箭, 今日又天晴, 心情真的很好!! 我地 check out 放低行李, 行逛去 Parka 區買d 手信, 食個"最後的午餐", 見有時間, 我地去搭好遊客 feel 既 "Athens Happy Trains", 6歐 per person, 45 mins 遊市中心既景點, 係大街小巷穿梭, 幾得意 !!
跟住就起程返香港喇 !!
我地將d行李 pack 得好好, 兩個人一個大喼, 算好少的了 !! 當我地過海關時, 竟然被人搜出左我係雅典買既 Hand cream !! Oh !! 太大意了 !!! 要 8 歐的 !!! 我同貴老爺都不為意, 仲諗住帶上機太乾時可以搽吓 tim.............Oh !! 我既禮物就係咁無左.......!!!
留言列表
飲飲食食 (2)