第七站: Myknonos 米克諾斯島 - Paradise Beach－20媽媽小天地

4月4日, Day 15

今日我地既行程係去沙灘. Mykonos 既沙灘好出名, 特別係夏天, 有人滿之患, 個個都迫去沙灘, 另外亦出名多同志 & 天體浴!! Mykonos 地方細, 沙灘都好近同集中..........Andrew 先送我地到就近既 Platys Gialos Beach, 我地自己行去 Paraga Beach, 再行去出名既 Paradise Beach!! 約好的士司機約下午3點黎接我地!! 雖然有太陽, 但天氣仍然有點涼!! 沙灘邊既餐廳或酒吧大部份都未開, 只有一,兩間係度執拾啱啱開檔既餐廳. 沙灘既景色好靚, 海同天連埋一齊, 望見令人好舒服!!

我地行到 Paradise Beach, D沙好幼, 水好清, 個 view 好靚!! 唔怪之得長期位列榜首啦!!

我地好 lucky, 有間 coffee shop 正好今日開張 (佢地會冬季休息, 夏季再開), 我地就係度 hea 左兩,三小時!! 晒太陽, 瞓覺, 睇下書, 好懶 !!! 陸續有伶仃遊客黎晒下太陽, 吹下海風, 不過黎游水既人就欠奉 loo...........只有貴老爺一人嘗試"冰泳", 佢話一場黎到, 點都要試下, 要戰勝愛琴海!!

成個海得佢一個人, 好 High, 不過勁涷!!!! 望見都好想大笑......Haaaaa........

返到市中心, 我地係平民餐廳食個便 lunch, 價錢平但幾好味喎!! 晒完太陽做完運動, 係時候返酒店休息下!! 晚餐去左間都幾多人既餐廳, 我諗好受歡迎吧!! 未坐底, 我地發現左驚喜, 終於搵到 Mykonos 既島主喇 !!! Yeah !!!!!! 黎左兩日, 一直都見唔到島主, 仲諗住唔係咁無緣吓......好彩 !!!! 可以安心食飯, 價錢 OK, 食物都好 OK!! 值得推介 !!!