20媽媽小天地

4月2日, Day 13

今日原相約青年朋友一齊去出名既黑沙海灘 Kamari Beach, 但係一起身睇見窗外都係天陰陰的, 我地攞左酒店既毛巾出門, 抱一點希望可以晒晒太陽. 可惜未去到巴士站已落起毛毛雨, Too bad !! 

 <--- 巴士站

巴士只須 15-20 mins 路程就去到 Kamari Beach, 黑沙灘係一粒粒既黑色石粒, 似石春 !! 沙灘好長, 可惜只有廖廖兩三個人.......beach 旁既店舖好多都仲係度裝修緊, 感覺有 D 冷清!!  我地"係咁兒"行下沙灘, 影下相, 見無咩特別, 就諗住 catch 下班巴士返 Thira 市中心. 巴士班次較疏, 我地問 cafe 老板, 下班 bus 大概會於 2:30 pm 到站, 我地就安心坐低食個快餐. 但到 2:20 pm 失驚無神見到巴士走過, 我地即刻埋單飛去巴士站, 耐何貴老爺舉晒手巴士佬都睇唔到, 最尾落個送車尾既下場!!

返巴士站遇到我地既朋友, 大家就係咁白白係個站度等左1 個鐘頭, 先有下班車到 !! Help !! 貴老爺仲話係希臘, 佢已經好有"等巴士既經驗", 一個鐘頭唔算多..........吓 !! 唔係掛 !!!!

返到市中心, 雨越落越大, 我地都唔想周圍去!! 天氣又涷, 早早返酒店算了 !!  晚上我地只係到附近既餐廳食飯, 可能落雨關係, 餐廳反而好多人, 好熱鬧!! 老板介紹我地既 lamp 同小牛都好 OK, 氣氛唔錯, 食完仲有甜品送, 有小小花生同肉桂味, 唔係一味死甜, OK 喎 !! 一路食飯一路睇波 (歐冠杯, 利勿甫對阿仙奴), 叫做有d野做下........!!  天氣真的好影響人既心情, 呢一日就係咁無聊咁過左……..