3月28日, Day 8
今日我地去左克里特島既名勝 - Knossos Palace 克諾索斯宮. 呢座宮廷傳說係公元前三千幾年建成的, 後來摧毀左....至後來有考古學家陸續發掘到宮殿既遺跡, 先証實呢個時期既存在. 我地所見既宮殿範圍頗大, 擺放既畫只係copy, 真品都搬左去考古博物館存放. 天氣好好, 我地睇完就搭巴士回市中心, 好彩巴士準時, 無放我地飛機 !!!
![](https://pic.pimg.tw/elaine407/1385514658-3558239077.jpg)
![](https://pic.pimg.tw/elaine407/1385514659-1729356173.jpg)
到市中心, 我地去出名既"威尼斯碉堡"影相. 碉堡以前好似用作監獄用途, 後黎就作為現今既僚望台!! 附近泊滿遊船, 感覺好寫意!! 我地係碉堡前影相, 怪事又發生了...............我地set 好腳架, 10秒....3..2..1..當要影時突然一陣大風吹過.....相機向前一仆就咁報消了 !!!! 最後一張相就係"黑漆漆的地下" !! Oh !! 可以換新機了 !! 貴老爺有點不開心, 話晒呢部相機係佢送我的第一份生日禮物, 都跟左我好幾年了 !!
不過我反而沒有不開心, 好彩之前有Peter 佢地提點, 我預備左另一部相機, 不用擔心之後的旅程, 又好彩有買旅遊保, 希望有得 claim 啦 !!
老公, 算了!! 舊的去, 新的才會來呢 !!
![](https://pic.pimg.tw/elaine407/1385514659-1851766022.jpg)
總觀 Crete 是個比較 Modern 同先進既小島.....至少感覺比雅典 Modern!! 晚上我地去出名既餐廳食海鮮, 我地點左煮青口, 燒沙丁魚, 釀青椒, 好 Yumi 呢 !! 係 Crete 用餐, 佢地有時會送飯後生果加"烈酒", 我估這酒係呢度出名既 Ouzo酒.....我只"mei"了一下, 好梗 !!
貴老爺飲左一啖, 簡直上腦!! 希臘既酒都好出名, 我地行街都見到好多舖賣酒同酒辦, 大多係烈酒, 有成 40 幾度 !!
![](https://pic.pimg.tw/elaine407/1385514660-259358798.jpg)