我們的十八天希臘愛琴海之旅－20媽媽小天地

未接觸希臘之前, "佢"俾我既印象係個好浪漫既地方..........有希臘古蹟啦, 神話啦, 藍白小屋啦~~~~ 早係06年結婚個陣都已經想定呢個地方去渡蜜月, 可惜當時氣候不太適合 (旅行社話 10月已踏入冬季, 已經無團前往.....), 咁個時又轉左工無耐, 最尾都去唔到 !!! 07年工作開始忙, air cadets 又忙, 屋企又忙, 唔方便亦請唔到好長既假 ...........等左咁耐, 08年終於有機會了 !!! 我地係 3, 4月出生既 BB, 咁啱３月尾有 Easter Holiday, 就決定將呢個旅程作為我地 "08 年既生日禮物" 啦！！　日子決定係貴老爺既３月２１日到我既４月７日．　好彩之前努力工作儲左 annual leave, 我地只須請 10 個 working days, 有可有足足１８天既假期 !!!! Yeah~~~~~

我地係今年年頭已開始為行程做準備，上網 book 機票啦，搵酒店啦，買書啦, 睇人地ｄcomments 啦.......因為３月尾４月頭都仲係 winter time, 搵酒店都幾麻煩，雅典都好ｄ，其他酒店（尢其係小島個 D）有好多都仲放緊假，未開工！！

一倫考慮, 我地定左大概行程：雅典 3 day --> Meteora (希臘中部) 1 day--> Rhode 1 day --> Crete 2 day --> Naxos 1 day --> Santorini 3 day --> Mykonos 2 day -->雅典 1 day --> HK

跟住就上網 book 船程，係討論區ｄ人話唔需要 pre-book 酒店同船，因為係 non-peak season, 可以去到小島先再book 下個小島既船同酒店．　但我地唔想到時周圍撲，都係預先 book 左安全D!! 不過，係呢個時候，問題出現了.........接駁方面, 我地點都搵唔到由 Crete去 Naxos既船，又搵唔到由 Santorini 到 Mykonos既船.......Oh!! 點算好呢 ?!?!　最尾唯有 "blank" 左呢度等去到雅典時先再問當地 D travel agent, 只好先問定晒 D 心水酒店，攞晒價錢，唔 confirm.......

之後另一大問題 ----->換"＄＄" !!　歐羅價好高，新年時一直都買唔落手，成日C9心態諗等個 rate 低番少少先..............點知................美元弱勢 !!!!!!!! （有無攪錯!!!!!!!! 強美元政治咁耐，而家先黎弱 !!! 唔係呀......), 到３月中無得再拖，我必須要換定錢，星期六到銀行，大拿拿 HK$30,000 只可換到 €2,500.......rate 11.996, Crazy !!!! 得好少錢......不過無辦法啦！！　之後美元持續下滑，跌到 12.2, 心諗好彩早少少換...........真的好阿 Q !! 去到機場個 exchange rate 仲去到 12.5 - 12.6 tim....!!