20媽媽小天地

我地係 Zuji 度 book 機票，可以格埋價，好方便！！　機票 3月21日，12:45 am, 香港 ---> 多哈 ---> 雅典，票價 $5380 (計埋 tax $7000有找 !!) .  20號晚放工返屋企沖個靚涼，同阿爸阿媽食左豐富既晚餐，９點左右就出發去機場喇！

Qatar Airline (mainly for 中東), 原先仲擔心班機會好大陣味，好彩上到機無呢個問題． 不過我就覺得個位窄左少少 ，雖然通宵機容易 D 瞓，不過瞓得一 D 都唔舒服，成個人都好 tired !!     加埋時差，實際要飛８小時先到多哈.........未瞓前係飛機，瞓醒都仲係飛機度，好辛苦呀！！　

到左多哈要係機場等６小時 transit.......先搵地方休息！！　可能呢站多長途機轉機，佢地有 "Quiet Room" 俾人瞓覺休息用．

小睡２小時後，開始搵食！！　多哈機場好開揚，但可以行既地方就好少！　想買 D 野食，可惜呢度駛 "美金 US$"，唔係 Euro!!  吓!! 有錢都無用?!?!  How come !?!?   好彩我地帶左２個香港名牌 "出前一丁" 杯麵，硬住頭皮問餐廳攞熱水，當地人好 nice, 仲有"叉"俾我地用，fit 晒！！

　

之後多哈飛雅典，連時差飛左５鐘，細機位好窄，機上感到好 dry, 人又好倦，　好攞命!!

下午 4:23 pm 到達機場 (雅典同香港差６個鐘，即香港時間 10:23 pm )，攞行李，check out．　天陰陰，落住小雨．　我地預鬆左港幣，想搵兩替店，諗住再暢多 D 歐羅，可惜...............SORRY!!!   無得對港幣！！ 吓!! 有無攪錯！！

搵地鐵去酒店，雅典既地鐵真係發展得幾好，頗方便的！！　酒店係市中心，好易搵，地點係衛城附近．　係地鐵度打返屋企報平安，"遠距離" 聽到阿爸阿媽把聲，感覺好親切呢！！   我地而家身處西方人既世界 loo~~

酒店房可以望到衛城，地方好細 (真的寸金尺土！！)， 佈置好簡單，感覺 OK 啦!!   我地位置係旅遊區，好方便的~~~　稍稍休息係時候搵地方食晚飯.........向住大街方向行，唔知點解人影都無隻，好靜..........見唔係好餓，有間 Subway, 就去食住 "包" 先！！　之後我地向酒店另一方向行...........嘩！嘩！嘩！　別有洞天，發現有好幾條街好熱鬧，好多餐廳同鋪頭，但係身體唔係咁舒服，行左一陣間就返酒店休息loo......!!  留番第日........今日係咁先啦~~~