3月22日,Day 2
一朝早瞓醒,精神好左好多! 我地上晝去左好出名既國立考古學博物館, 呢個係希臘最具規模既考古博物館, 有好多遊客參觀!! 里面既展品好豐富, 分佈係"幾十個"展室里面.......即使係公元前三, 四世紀之前既建築物同用品都保存得好好! 普遍博物館都可以影相, but no flash please!! 我地快行, 行左兩個鐘都已經好 tired !!
之後沿大街去左 Omonia Square 同 Central Market, 旅遊書話呢度係"好地道"既市集 (係買野既好地方!!
).......但我所見係有好多鋪同路邊檔, 不過完全唔會係我地想要買既野!! 逛左陣去睇埋雅典大學, 可惜唔俾人入, 人又 tired, 一於搭地鐵返酒店休息吓!! 差左電成個人精神左好多.............之後我地去搵 Travel Agent, 處理我地解決唔到既行程問題! 左度右度,我地最終無辦法要將 Naxos 改為 Paros,再 book 埋其他船程同飛機,總算攪掂唔駛煩!! 跟住就去左距離近既 "宙斯殿".<-- 雅典大學 (天花板好靚 !! )
(宙斯殿)
大概4,5點,我地就出發去衛城. 居高臨下,真係好宏偉好有氣勢!! 殿內築左好多棚架,相信係做重建工程既關係. 因為時間太晏,衛城里面既 museum 已經 closed 左......Oh!! Too bad !! 不過有 "Bonus" 既係係途中見到王力宏,Oh, LeeHom, 好靚仔啊~~~~ 我地上左衛城附近既山丘,可以飽覽整個雅典市,D 屋仔大廈密密麻麻,申延到好遠好遠既地方,感覺好利害!!
晚餐我地去左好熱鬧既餐廳,我點左好出名既 Souvlaki (肉類串燒),而貴老爺就點海鮮意粉. 串燒係豬肉...............but 好鞋好乾 ,一D都唔好食!!! 雖然天氣涷,不過希臘人同遊客都鐘意坐係鋪外面,相對氣氛好好多! 我唔係好適應,個人好唔舒服,嗌左熱朱古力,熱辣辣的,令我舒服好多!!
全站熱搜
留言列表